PSG အသင်းသည် ဘာစီလိုနာအသင်းမှ ဘရာဇီးလ်တိုက်စစ်မှူး နေမာကို ခေါ်ယူခဲ့ခြင်းအတွက် ကုန်ကျငွေမှာ ယူရို သန်း(၅၀၀)နီးပါးရှိနေပြီဖြစ်ကြောင်း El Mundo သတင်းစာက တွက်ချက်ဖော်ပြခဲ့သည်။
PSG အသင်းသည် နေမာအတွက် ကမ္ဘာ့စံချိန်တင်ပြောင်းရွှေ့ကြေး ယူရို(၂၂၂)သန်း ပေးချေခဲ့ရသလို၊ တစ်နှစ်လစာ ယူရို(၄၃)သန်းကျော် ပေးချေရသည်။
ထို့ပြင် လက်မှတ်ထိုးကြေးနှင့် အခြားအပိုဆုကြေးများလည်း ပေးချေရခြင်းကြောင့် အသင်းတွင် (၄)နှစ်ကျော် ဖြတ်သန်းခဲ့ပြီးပြီဖြစ်သည့် နေမာအတွက် PSG အသင်း အသုံးပြုခဲ့ရသည့် ကုန်ကျငွေမှာ ယူရို(၄၈၉)သန်းကျော် ရှိနေပြီဖြစ်ကြောင်း El Mundo က ဖော်ပြခဲ့ခြင်းဖြစ်သည်။
ထို့ပြင် နေမာသည် လာမည့်ရာသီမှစ၍ တစ်နှစ်လစာ ယူရိုသန်း(၅၀)ကျော်အထိ တိုးမြင့်ရရှိသွားမည်ဖြစ်ပြီး PSG အသင်းနှင့် ၂၀၂၅ ခုနှစ်အထိ သက်တမ်းတိုးစာချုပ် ချုပ်ဆိုထားခြင်းကြောင့် ကုန်ကျစရိတ်များစွာ မြင့်တက်လာဦးမည်ဖြစ်ကြောင်းလည်း သိရသည်။
