ရီးယဲလ်မက်ဒရစ်နည်းပြ အန်ဆယ်လော့တီက မိမိအနေဖြင့် နိုင်ငံလက်ရွေးစင်ကို နည်းပြနိုင်ကြောင်း ပြောကြားခဲ့သည်။
အသက် (၆၃) နှစ် အရွယ်ရှိ အန်ဆယ်လော့တီသည် ပြီးခဲ့သည့် ၂၀၂၁ ခုနှစ်က ရီးယဲလ်မက်ဒရစ်အသင်းကို စတင်ကိုင်တွယ်ခဲ့ပြီး ၎င်း၏လက်ရှိစာချုပ်မှာ ၂၀၂၄ ခုနှစ်တွင် သက်တမ်းကုန်ဆုံးမည်ဖြစ်သည်။
ပြီးခဲ့သည့်အင်္ဂါနေ့က AS သတင်းစာမှ ချီးမြှင့်သည့် အကောင်းဆုံးနည်းပြဆုကို ဆုရရှိခဲ့သည့် အန်ဆယ်လော့တီက မိမိအနေဖြင့် နည်းပြဘဝနောက်ဆုံးအချိန်တွင် နိုင်ငံလက်ရွေးစင်အသင်းကို ကိုင်တွယ်နိုင်ကြောင်း ပြောကြားခဲ့ခြင်းဖြစ်သည်။
အန်ဆယ်လော့တီက ”ရိုးရိုးသားသား ပြောရရင် ရီးယဲလ်မှာ ကျွန်တော် ပျော်ပါတယ်။ တကယ်လို့ အနာဂတ်သာ ကျွန်တော့် လက်ထဲမှာ ရှိနေမယ်ဆိုရင် ရီးယဲလ်က ဘယ်တော့မှ ထွက်ခွာသွားမှာ မဟုတ်ပါဘူး။ နည်းပြဘဝ နောက်ဆုံးအချိန်မှာ နိုင်ငံအသင်းကို ကိုင်တွယ်တာလည်း ဖြစ်နိုင်ပါတယ်။ ဒါပေမဲ့ ကစားသမားတွေနဲ့နေ့တိုင်းတွေ့ရတာကို သဘောကျပါတယ်”ဟု ဆိုခဲ့သည်။