နာပိုလီနှင့် ဂျူဗင်တပ်စ်ပွဲအတွက် လက်မှတ်များ ရောင်းချခွင့်ပိတ်ပင်ခံရပြီးမှ ပြန်လည်ရောင်းချခွင့်ရရှိ

လာမည့် နာပိုလီအသင်းနှင့် ဂျူဗင်တပ်စ်အသင်းတို့၏ ပွဲစဉ်အတွက် လက်မှတ်ရောင်းချမှုကို အီတလီအာဏာပိုင်များက ပိတ်ပင်ပြီးမှ ပြန်လည်ခွင့်ပြုပေးခဲ့ကြောင်း သိရသည်။

အီတလီအာဏာပိုင်များသည် ကျန်းမာရေးနှင့် လုံခြုံရေးအကြောင်းပြချက်ဖြင့် ပြီးခဲ့သည့်ကြာသပတေးနေ့တွင် ပိတ်ပင်ခဲ့ခြင်းဖြစ်ပြီး စက်တင်ဘာလ (၅) ရက်မှ ပြန်လည်ခွင့်ပြုပေးခဲ့ခြင်းဖြစ်သည်။

အီတလီအာဏာပိုင်များ၏ လက်မှတ်ရောင်းချမှု ပိတ်ပင်ခြင်းမှာ (၂၄)နာရီကြာမြင့်ခဲ့ပြီး သက်ဆိုင်ရာအသင်းပရိသတ်များက အကြောင်းပြချက်မသိရှိသေးမီ လူမှုကွန်ရက်တွင် ပြစ်တင်ဝေဖန်မှုများ ပြုလုပ်ခဲ့သည်။

အဆိုပါပွဲအတွက် လက်မှတ်ရောင်းချရမှုပုံစံသည် လက်ရှိအချိန်အထိ ကြန့်ကြာမှုများရှိနေသေးပြီး လက်မှတ်ဝယ်ယူလိုသူပရိသတ်များသည် လက်မှတ်ကို ချက်ချင်းရရှိမည်မဟုတ်ဘဲ အီတလီအာဏာပိုင်များ၏ ခွင့်ပြုချက်ပါသည့် သက်သေခံကတ်ပြား ဦးစွာရရှိပြီးမှသာ လက်မှတ်ဝယ်ယူခွင့်ရရှိမည်ဖြစ်ကြောင်း သိရသည်။

ပြီးခဲ့သည့်ရာသီတွင်လည်း ဂျူဗင်တပ်စ်နှင့် နာပိုလီအသင်းပွဲစဉ်သည် ကျန်းမာရေးကန့်သတ်ချက်များကြောင့် နာပိုလီအသင်း လာရောက်ကစားခွင့် မရရှိဘဲ ရွှေ့ဆိုင်းခဲ့ရသည်။