စကော့တလန်ကလပ် ရိန်းဂျားစ်အသင်း နည်းပြ စတီဗင်ဂျာရတ်သည် နယူးကာဆယ်နည်းပြရာထူးနှင့်ပတ်သက်ပြီး သတင်းထောက် တစ်ဦး၏မေးမြန်းမှုကို ဒေါသတကြီးတုံ့ပြန်ခဲ့ကြောင်း သိရသည်။
နယူးကာဆယ်အသင်းသည် အသင်းနည်းပြ စတိဗ်ဘရုစ်ကို ရာထူးမှ ထုတ်ပယ်ပြီးနောက် နည်းပြသစ်ခန့်အပ်ရန် စီစဉ်နေပြီး စတီဗင်ဂျာရတ်မှာ နယူးကာဆယ် နည်းပြသစ်ဖြစ်ရန် ရေပန်းစားသူများစာရင်းတွင် ပါဝင်လျက်ရှိသည်။
ပြီးခဲ့သည့် ကြာသပတေးနေ့ ကစားခဲ့သည့် ယူရိုပါလိဂ်ပွဲစဉ် ရိန်းဂျားစ် (၂-၀) ဘရွန်ဘီပွဲအပြီးတွင် သတင်းထောက်တစ်ဦးက နယူးကာဆယ်နည်းပြရာထူးအတွက် ချိတ်ဆက်မှုရှိသလားဟု ဂျာရတ်ကို မေးမြန်းခဲ့သည်။
ယင်းမေးခွန်းကို ဂျာရတ်က “ကျွန်တော် ပျော်နေတယ်ထင်လား။ ကျွန် တော် အဆင်ပြေနေတယ် ထင်လား။ ရူးမိုက် တဲ့မေးခွန်းတွေ မမေးစမ်းပါနဲ့”ဟု ပြောကြားခဲ့သည်။
သို့သော် ဂျာရတ်သည် နယူးကာဆယ်အသင်းကို ဆော်ဒီသူဌေးများ လွှဲပြောင်းရယူပြီးနောက် ၎င်းအနေဖြင့် နယူးကာဆယ်အသင်းကို ကိုင်တွယ်ဖွယ်ရှိသည်ဟု မီဒီယာများ၏ဖော်ပြမှုများကို ငြင်းဆန်ခဲ့ခြင်းမရှိကြောင်း သိရှိရသည်။