၁။ အာဆင်နယ် အသင်းဟာ ဇင်ချန်ကို ၊ တင်ဘာ တို့ ဒဏ်ရာ ရရှိနေပြီး တိုမီယာစု ကလည်း အာရှ ဖလား သွားရောက် ကစားရဖို့ ရှိနေတာကြောင့် အင်အားနည်းပါးနေတဲ့ ဘယ်နောက်ခံလူ နေရာအတွက် ဆိုစီဒက် အသင်းထံ အငှား ချထားတဲ့ တီယာနေး ကို ပြန်ခေါ်ဖို့ စီစဉ်နေတယ်လို့ သတင်းတွေ ထွက်ပေါ် လာခဲ့ပါတယ် ။
၂။ ဒေးဗစ် အော်စတိန်းကတော့ အာဆင်နယ် အသင်းဟာ လက်ရှိ အချိန်မှာ တိုက်စစ် အင်အား ဖြည့်တင်းဖို့ အတွက် အားသွန်ခွန်စိုက် ကြိုးပမ်း နေတာမျိုး တွေ့ရခြင်း မရှိသေးကြောင်း ဆိုလိုက်ပြီး ကွင်းလယ်လူသစ် ခေါ်ဖို့ ဆိုရင်လည်း အသင်းက ကစားသမားအချို့ကို ရှင်းထုတ်ပြီးမှသာလျှင် ဖြစ်နိုင်လိမ့်မယ်လို့ သုံးသပ် လိုက်ပါတယ် ။ အော်စတိန်း က အာဆင်နယ် အသင်းဟာ ကွင်းလယ်လူ တစ်ဦးကို ကာလတို စာချုပ်နဲ့ ခေါ်ယူတာမျိုးက ပိုမို ဖြစ်နိုင်ချေ ရှိတယ်လို့ ဆိုပါတယ် ။
၃။ ဖာဘရစ်ဇီယို ရိုမာနို က ဇန်နဝါရီမှာ အာဆင်နယ် အသင်းဟာ ရမ်စ်ဒေးလ် အတွက် မြင့်မားတဲ့ ပြောင်းရွေ့ကြေးနဲ့ ကမ်းလှမ်းလာပါက လက်ခံ သွားဖွယ် ရှိကြောင်း သုံးသပ်လိုက်ပြီး အခု အချိန်ထိတော့ အင်္ဂလန်သားအတွက် ကမ်းလှမ်းမှု မရှိသေးကြောင်း ပြောကြား လိုက်ပါတယ် ။
၄။ အာဆင်နယ် အသင်း နှင့် တိုမီယာစု တို့ရဲ့ စာချုပ်သစ် ကိစ္စ ဆွေးနွေးမှု အခြေအနေဟာ နောက်ဆုံး အဆင့် ရောက်နေပြီ ဖြစ်ပြီး မကြာခင် အချိန်မှာ စာချုပ်သစ် ချုပ်ဆိုနိင်ခဲ့ပြီ ဖြစ်ကြောင်း ကြေညာ နိုင်တော့မှာ ဖြစ်တယ်လို့ ရိုမာနို က ဆိုပါတယ် ။ ဒါ့အပြင် ရိုမာနို က တိုမီယာစု တစ်ယောက် အီတလီ ကို ပြန်မယ်ဆိုတဲ့ သတင်းတွေဟာ သတင်းမှားတွေသာ ဖြစ်ပြီး ဂျပန် လက်ရွေးစင်ဟာ အာတီတာ ရဲ့ အနာဂတ် အစီအစဉ် မှာ ပါဝင်တဲ့ ကစားသမား တစ်ဦး ဖြစ်တယ်လို့ ပြောကြား သွားခဲ့ပါတယ် ။
၅။ အာဆင်နယ် အသင်းဟာ Union Saint-Gilloise အသင်း ရဲ့ ကြယ်ပွင့် Mohamed Amoura နှင့် Santos အသင်း ရဲ့ ကြယ်ပွင့် Marcos Leonardo တို့ကို ခေါ်ယူဖို့ စိတ်ဝင်စား နေတယ်လို့ သတင်းတွေ ထွက်ပေါ် နေပါတယ် ။
၆။ ပြင်သစ် သတင်းစာ တစ်စောင် ဖြစ်တဲ့ L’Equipe ကတော့ အာဆင်နယ် အသင်းဟာ နန်တက်စ် အသင်းထံ အငှားချ ထားတဲ့ မာကွင်ညောစ့်ကို ဇန်နဝါရီမှာ ပြန်လည် ခေါ်ယူဖို့ ပြင်သစ် ကလပ် အသင်း နဲ့ ဆွေးနွေး ပြောဆိုမှုတွေ ပြုလုပ် နေတယ်လို့ ရေးသား ဖော်ပြ လာခဲ့ပါတယ် ။
၇။ အာဆင်နယ် အသင်း ကွင်းလယ်လူ အယ်နယ်နီ ကို ခေါ်ယူဖို့ တူရကီ ကလပ်တွေက စိတ်ဝင်စား နေကြပေမယ့် ယူဗင်တပ်စ် အသင်းကတော့ ပါတေး ဟာ သူတို့ အသင်းကို ထိထိရောက်ရောက် အကျိုးပြု နိုင်လိမ့်မယ်လို့ မယုံကြည်တော့တာကြောင့် ခေါ်ဖို့ စိတ်မဝင်စားတော့ဘူးလို့ သိရပါတယ် ။
