ရီးယဲလ်အသင်း၏ ဥက္ကဋ္ဌ ဖလော်ရင်တီနိုပီရက်ဇ်က ၀ါရင့်ကွင်းလယ်ကစားသမား တိုနီကရို့စ်အပေါ် ထားရှိသည့် ၎င်း၏ သဘောထားကို ဘုတ်အဖွဲ့ဝင်များထံ ပြောကြားခဲ့ကြောင်း သိရသည်။
၎င်း၏ ပြန်လည်ပြောကြားမှုအရ ပီရက်ဇ်က “သူတို့ တိုနီကရို့စ်ကို ခေါ်ယူချင်တယ်ဆိုရင် ယူရိုသန်း(၇၀)အထက်နဲ့ လာကမ်းလှမ်းနိုင်ပါတယ်။ လက်ခံဆွေးနွေးသွားပါမယ်”ဟု ဆိုခဲ့ကြောင်း သိရသည်။
တိုနီကရို့စ်သည် ရီးယဲလ်အသင်းနှင့် ၂၀၂၃ ခုနှစ်အထိ စာချုပ်သက်တမ်းရှိနေသူဖြစ်ပြီး ၎င်း၏ခြေစွမ်း ကျဆင်းလာပြီဟု ဝေဖန်မှုအချို့လည်း ရှိနေသည်။