မန်စီးတီးအသင်းသည် လာမည့် နွေရာသီတွင် ရီးယဲလ်ဝါရင့်ကွင်းလယ်ကစားသမား တိုနီကရို့စ်ကို ခေါ်ယူရန်စီစဉ်နေကြောင်း Daily Mail က ဖော်ပြခဲ့သည်။
မန်စီးတီးနည်းပြ ဂွါဒီယိုလာသည် အသက် (၃၂)နှစ်အရွယ်ရှိ ကရို့စ်ကို အလွန်သဘောကျနေပြီး ရီးယဲလ်အသင်းနှင့်စာချုပ်သက်တမ်းကုန်ဆုံးမည့် လာမည့်နွေတွင် ပြောင်းရွှေ့ကြေးအလွတ်ဖြင့် ခေါ်ယူရန် ပစ်မှတ်ထားနေခြင်းဖြစ်သည်။
ကရို့စ်သည် ယခုရာသီကုန်တွင် ရီးယဲလ်နှင့် စာချုပ်သက်တမ်းကုန်ဆုံးမည်ဖြစ်ပြီး ရီးယဲလ်တွင် ကစားသမားဘဝအဆုံးသတ်လိုကြောင်း ဝန်ခံထားသလို၊ ပရီးမီးယားလိဂ်သို့ ပြောင်းသူများမှာ ငွေမက်သူဟု စွပ်စွဲထားသည်။
