ဂိုးရနိုင်သည့်အခွင့်အရေးများကို အသုံးချနိုင်ခြင်း မရှိသောကြောင့် စပိန်တိုက်စစ်မှူးများမှာ ဝေဖန်မှုများနှင့် ရင်ဆိုင်ခဲ့ရသော်လည်း ယူရို-၂၀၂၀ ပြိုင်ပွဲမှာ အသင်းအတွက် ယူရိုသမိုင်းတစ်လျှောက် ဂိုးသွင်းအများဆုံးပြိုင်ပွဲ အဖြစ် မှတ်တမ်းဝင်ခဲ့ကြောင်း သိရှိရသည်။ စပိန်အသင်း သည် ယူရို-၂၀၂၀ ပြိုင်ပွဲတွင် ဆီမီးဖိုင်နယ်အဆင့်မှထွက် ခွာခဲ့ရသော်လည်း သွင်းဂိုး (၁၃)ဂိုးအထိ ရရှိခဲ့သည်။
စပိန်အသင်းနည်းပြ အင်းနရစ်သည် ယူရို-၂၀၂၀ ပြိုင်ပွဲတွင် ကစားခဲ့ရသည့် ပွဲစဉ် (၆)ပွဲတွင် မိုရာတာနှင့် ဂျရတ်မော်ရီနိုတို့ကို အထောင်တိုက်စစ်မှူးအဖြစ် အများဆုံးအသုံးပြုခဲ့ပြီး အီတလီနှင့်ကစားခဲ့သည့် ဆီမီးဖိုင်နယ် ပွဲစဉ်တွင် အော်လ်မိုကို အထောင်တိုက်စစ်မှူးအဖြစ် ပွဲထုတ်ခဲ့သည်။
သို့သော် အထောင်တိုက်စစ်မှူးအဖြစ် ကစားခဲ့သူများထဲတွင် မိုရာတာ တစ်ဦးတည်းသာ (၃)ဂိုးသွင်း ယူနိုင်ခဲ့ပြီး အခြားကစားသမား (၂)ဦးမှာ ဂိုးရခဲ့ခြင်း မရှိချေ။ ထို့ပြင် ဂျရတ်မော်ရီနိုမှာ ပိုလန်နှင့်ပွဲ၊ မိုရာတာမှာ ဆလိုဗက်ကီးယားနှင့်ပွဲများတွင် ပွဲချိန်အတွင်း ရရှိသည့်ပယ်နယ်တီများကို လွဲချော်ခဲ့သလို၊ ၎င်းတို့ (၂)ဦးသည် အပိုင် အခွင့်အရေးများကိုလည်း လွဲချော်ခဲ့သောကြောင့် စပိန်တိုက်စစ်မှူးများမှာ ဝေဖန်မှုများနှင့် ရင်ဆိုင်ခဲ့ရသည်။
သို့သော် စပိန်အသင်းသည် ယူရို-၂၀၂၀ ပြိုင်ပွဲအ တွင်း ကစားခဲ့ရသည့် ပွဲစဉ် (၆)ပွဲတွင် သွင်းဂိုး (၁၃)ဂိုးအ ထိ ရရှိခဲ့သည်။ ယင်းမှာ စပိန်အသင်း၏ ယူရိုပြိုင်ပွဲသ မိုင်းတစ်လျှောက် ဂိုးသွင်းအများဆုံးပြိုင်ပွဲများအဖြစ် စံချိန်တင်ထားသော ယူရို-၂၀၀၈ နှင့် ယူရို-၂၀၁၂ ပြိုင်ပွဲတို့တွင် ရရှိခဲ့သည့် သွင်းဂိုး (၁၂)ဂိုးထက်ပင် (၁)ဂိုး ပိုများခဲ့ခြင်းဖြစ်သည်။
စပိန်အသင်းသည် ယူရို-၂၀၁၂ ပြိုင်ပွဲ ၏ အုပ်စုအဖွင့်ပွဲစဉ် (၂)ပွဲစဉ်တွင် ဆွီဒင်အသင်းကို (၀-၀)ဂိုး၊ ပိုလန်အသင်းကို (၁-၁)ဂိုးဖြင့် သရေကျခဲ့ပြီး ဂိုးရ ရန် ရုန်းကန်ခဲ့ရသော်လည်း အုပ်စုနောက်ဆုံးပွဲစဉ်တွင် ဆလိုဗက်ကီးယားအသင်းကို (၅-၀)ဂိုးဖြင့် အနိုင်ရခဲ့သည်။ ထို့ပြင် ရှုံးထွက် (၁၆)သင်းအဆင့်တွင် ခရိုအေး ရှားအသင်းကို အချိန်ပိုအထိ ကစားကာ (၅-၃)ဂိုးဖြင့် အ နိုင်ရခဲ့သလို၊ ကွာတားဖိုင်နယ်တွင် ဆွစ်ဇာလန်အသင်း ကို (၁-၁)ဂိုးဖြင့် သရေကျခဲ့သော်လည်း ပယ်နယ်တီအဆုံးအဖြတ်ဖြင့် အနိုင်ရခဲ့သည်။ ဆီမီးဖိုင်နယ်တွင်မူ အီတလီကို (၁-၁)ဂိုးဖြင့် သရေကျခဲ့သော်လည်း ပယ်နယ် တီအဆုံးအဖြတ်တွင် ရှုံးနိမ့်ခဲ့ခြင်းဖြစ်သည်။
