မန်ယူအသင်းသည် လက်ရှိနည်းပြ တန်ဟက်ဂ်ကို ရာထူးမှ ထုတ်ပယ်ခဲ့ပါက အစားထိုးခန့်အပ်ရန်အတွက် ရီးယဲလ်နည်းပြဟောင်း ဇီဒန်းနှင့် စပို့တင်းလစ္စဘွန်းအသင်းမှ ပေါ်တူဂီနည်းပြ အမ်မိုရင်မ်တို့ကို ပစ်မှတ်ထားနေကြောင်း Daily Mail က ဖော်ပြခဲ့သည်။
မန်ယူအသင်းသည် ရီးယဲလ်နည်းပြဟောင်း ဇီဒန်းကို အစောပိုင်းကတည်းက နည်းပြအဖြစ် ခန့်အပ်ရန် စိတ်ဝင်စားခဲ့ခြင်းဖြစ်သည်။
ထို့ုပြင် မန်ယူအသင်းသည် (၃၈)နှစ်သာရှိသေးသည့် အမ်မိုရင်မ်ကိုမူ ပြီးခဲ့သည့်နှစ်ပိုင်းအတွင်း စပို့တင်းလစ္စဘွန်းအသင်းတွင် အောင်မြင်မှုများ ရယူနိုင်ခဲ့သည့်အတွက် စိတ်ဝင်စားလာခြင်းဖြစ်ကြောင်း သိရသည်။
အမ်မိုရင်မ်သည် ပြီးခဲ့သည့်နွေရာသီတွင် စပါးအသင်း၏ ဆက်သွယ်ကမ်းလှမ်းခြင်းခံခဲ့ရဖူးသူဖြစ်ကြောင်းလည်း သိရသည်။
ယခုရာသီတွင် ရလဒ်များ ဆိုးရွားမှုများကြောင့် တန်ဟက်ဂ်၏ အနာဂတ်မှာ လှုပ်ခတ်နေသော်လည်း မန်ယူအသင်းဘုတ်အဖွဲ့၏ ထောက်ခံမှုကို ရရှိထားဆဲဖြစ်ကြောင်း သိရသည်။
