လီဗာပူးလ်အသင်းနည်းပြ ယာဂန်ကလော့ပ်က လီဗာပူးလ်တိုက်စစ်မှူး ဆာလာအနေဖြင့် တစ်ကိုယ်ကောင်းဆန်သည့်စိတ် ဆက်လက်ထားရှိနိုင်ကြောင်းနှင့် မိမိအတွက် ပြဿနာမရှိကြောင်း ပြောကြားခဲ့သည်။
ဆာလာသည် လီဗာပူးလ်အသင်းတိုက်စစ်တွင် သူ ကိုယ်တိုင်ဂိုးသွင်းလိုသည့် ကစားပုံကြောင့် ဝေဖန်မှုများကို အမြဲတစေခံနေရသူတစ်ဦး ဖြစ်သည်။
ကလော့ပ်က ပွဲများတွင် ဂိုးသွင်းရန် ဆာလောင်စိတ်ရှိခြင်း၊ မိမိ၏သွင်းဂိုးများဖြင့် ပွဲအဖြေကို အဆုံးအဖြတ်ဖြစ်လိုခြင်းများမှာ တိုက်စစ်မှူးများ၏ စိတ်နေသဘောထားပင်ဖြစ်ကြောင်း၊ ယင်းအကြောင်းအရာမှာ မိမိအတွက် ပြဿနာတစ်ခုမဟုတ်ကြောင်း ပြော ကြားခဲ့သည်။
ဆာလာသည် ယခုရာသီ ပရီးမီးယားလိဂ်တွင် နောက်(၁)ဂိုးသွင်းယူနိုင်ခဲ့ပါက (၃)ရာသီဆက် ဂိုး(၂၀)နှင့်အထက်သွင်းယူနိုင်သည့် ပထမဆုံးလီဗာပူးလ်ကစားသမားအဖြစ် မှတ်တမ်းဝင်မည်ဖြစ်သည်။
၎င်းမှာ ဘန်လေနှင့်ပွဲတွင်လည်း ဂိုးကန်သွင်းမှု(၆)ကြိမ်နှင့် ဂိုးပေါက်တွေ့မှု (၄)ကြိမ်ရှိခဲ့ကာ ယင်းပမာဏမှာ ဘန်လေတစ်သင်းလုံးထက် နှစ်ဆရှိသော်လည်း သွင်းဂိုးပျောက်ဆုံးခဲ့ရသည်။
ဆာလာသည် ယခုရာသီတွင် ပရီးမီးယားလိဂ်သွင်းဂိုး (၁၉)ဂိုးအပါအဝင် ပြိုင်ပွဲစုံ (၂၃)ဂိုးအထိ သွင်းယူထားသည်။
