ချယ်လ်ဆီးအသင်းသည် မော်ရိုကိုတောင်ပံကစားသမား ဇီယာ့ရှ်အတွက် ကမ်းလှမ်းမှုများကို စောင့်မျှော်နေပြီး လက်ခံစဉ်းစားသွားမည်ဖြစ်ကြောင်း သိရသည်။
ချယ်လ်ဆီးအသင်းသည် ဇီယာ့ရှ်(၂၉ နှစ်)ကို ၂၀၂၅ ခုနှစ်အထိ စာချုပ် ချုပ်ဆိုထားသော်လည်း နည်းပြ တူဟယ်လ်က ပြန်လည်ရောင်းထုတ်ရန် ဆန္ဒရှိနေကြောင်း သိရသည်။
၎င်းကို ခေါ်ယူလိုသည့်အသင်းများထဲတွင် ပရီးမီးယားလိဂ်ပြိုင်ဘက်အသင်းများပါဝင်နေပြီး အေဂျက်စ်တွင် လက်တွဲခဲ့ဖူးသည့် နည်းပြ တန်ဟက်ဂ်က မန်ယူအသင်းသို့ ခေါ်ယူဖွယ်ရှိကြောင်းလည်း သတင်းထွက်နေသည်။
ဇီယာ့ရှ်သည် ၂၀၂၀ ပြည့်နှစ်တွင် အေဂျက်စ်အသင်းမှ ချယ်လ်ဆီးအသင်းကို ယူရိုသန်း (၄၀) ဖြင့် ပြောင်းရွှေ့လာခဲ့သူဖြစ်သည်။
၎င်းသည် ပြီးခဲ့သည့် ၂၀၂၁-၂၂ ရာသီတွင် အသင်းနည်းပြ တူဟယ်လ်နှင့် ပြဿနာတက်ခဲ့သည်ဟု သတင်းများ ထွက်ပေါ်ခဲ့ဖူးပြီး ပရီးမီးယားလိဂ် (၂၃) ပွဲသာ ပါဝင်ကစားခွင့်ရခဲ့ကြောင်း သိရသည်။
