ယူကရိန်းကစားသမား ဇင်ချန်ကို၏ အာဆင်နယ်အသင်းသို့ အပြောင်းအရွှေ့ အား မန်စီးတီးအသင်းနည်းပြ ဂွါဒီယိုလာက ဇူလိုင်လ ၁၉ ရက်ကပြုလုပ်ခဲ့သော ကလပ်အမေရိကနှင့်ပွဲ ပွဲကြိုသတင်းစာရှင်းလင်းပွဲတွင် အတည်ပြုပေးခဲ့သည်။
ဂွါဒီယိုလာက ဇင်ချန်ကိုသည် အသင်းမှထွက်ခွာတော့မည်ဖြစ်ပြီး ကစားသမားဘဝ၏ အခန်းကဏ္ဍသစ်တွင် အောင်မြင်မှုရရှိစေရန် အသင်းအနေဖြင့် တောင်းဆုပြုကြောင်း ပြောကြားခဲ့ခြင်းဖြစ်သည်။
အာဆင်နယ်အသင်းသည် ကွင်းလယ်နှင့် ဘယ်နောက်ခံနေရာတွင် ကစားနိုင်သူ ဇင်ချန်ကိုအားပြောင်း ရွှေ့ကြေး ပေါင်သန်း ၃၀ နှင့် Add-ons ကြေး ပေါင်နှစ်သန်းဖြင့် ခေါ်ယူခဲ့ကြောင်း သိရသည်။
“ကလပ်အသင်းကိုယ်စား သူတို့ရဲ့ ကွင်းတွင်းကွင်းပြင် ကြိုးစားအားထုတ်ခဲ့မှုတွေအတွက် ကျေးဇူးတင်ပါတယ်။ မနေ့က အဲလက်(ဇင်ချန်ကို)နဲ့တွေ့တာ ကောင်းပါတယ်။ ဘာကြောင့်လဲဆိုတော့ ကျွန်တော်တို့ ကောင်းကောင်းမွန်မွန် နှုတ်ဆက်လိုက်ရလို့ပါ။ ကံမကောင်းစွာပဲ ရာဟင်(စတာလင်)နဲ့ ဂါဘရီယဲလ်(ဂျေးဇူး)တို့တုန်းက နွေရာသီ အားလပ်ရက်ဖြစ်နေလို့ ကျွန်တော်တို့ ဒီလို လုပ်ခွင့်မရခဲ့ဘူး။ ဒါပေမဲ့ မနေ့ကတော့ သူ့ကို ကျွန်တော်တို့ နှုတ်ဆက်စကားပြောခွင့် ရခဲ့ပါတယ်။ သူ အာဆင်နယ်ကို ပြောင်းမှာပါ” ဟု ဂွါဒီယိုလာက ပြောကြားခဲ့သည်။ ဇင်ချန်ကိုသည် ၂၀၁၆ ခုနှစ်ကတည်းက မန်စီးတီးသို့ ရောက်ရှိလာခဲ့သူဖြစ်သည်။
