ဆီဗီလာအသင်းသို့ အငှားပြောင်းရွှေ့ရာတွင် မာစီယဲလ် လစာငွေလျှော့ယူရန် သဘောတူ

မန်ယူအသင်း၏တိုက်စစ်ကစားသမား မာစီယဲလ်သည် လာလီဂါကလပ် ဆီဗီလာအသင်းသို့ အငှားပြောင်းရွှေ့ရာတွင် လစာငွေကို လျှော့ယူရန် သဘောတူခဲ့ရကြောင်း သတင်းများက ဖော်ပြခဲ့သည်။

အသက် ၂၆ နှစ်အရွယ်ရှိ မာစီယဲလ်သည် မန်ယူအသင်း၌ တစ်ပတ်လစာငွေအ ဖြစ် ပေါင် ၂၅၀၀၀၀ အထိရရှိနေပြီး လျှော့ယူရမည့်ပမာဏကို အဆိုပါသတင်းများ၌ ဖော်ပြခြင်းမရှိခဲ့ကြောင်း သိရသည်။ မာစီယဲလ်၏အငှားအပြောင်းအရွှေ့အတွက် မန်ယူအသင်းက ပေါင် ငါးသန်းဝန်းကျင် တောင်းဆိုခဲ့သည်ဟုလည်း သတင်းများက ဖော်ပြခဲ့သည်။

myan789

မန်ယူအသင်းက အငှားသွားကစားသည့်ကာလအတွင်း မာစီယဲလ်အတွက် ကုန်ကျမည့်လစာငွေပမာဏကို ကာမိစေရန်အတွက် ယင်းကဲ့သို့ တောင်းဆိုခဲ့ခြင်းဖြစ်ပြီး အသေးစိတ်အချက်အလက်များကို မီဒီယာများ၌ ရေးသားထားခြင်းမရှိကြောင်း သိရသည်။

မာစီယဲလ်၏အပြောင်းအရွှေ့အတွက် မန်ယူ နှင့် ဆီဗီလာအသင်းများအကြား သဘောတူညီမှုရရှိခဲ့ပြီဟု ဇန်နဝါရီလ ၂၄ ရက် ညပိုင်း၌ သတင်းများထွက်ပေါ်ခဲ့ပြီး ယင်းသို့ခေါ်ယူမှုတွင် ရာသီကုန်၌ အပြီးသတ်ခေါ်ယူမည့်အချက် မပါဝင်ကြောင်း သတင်းများက ရေးသားခဲ့ကြသည်။

၂၀၁၅ ခုနှစ်တွင် မိုနာကိုအသင်းမှ ပြောင်းရွှေ့ကြေး ပေါင် ၃၆ သန်းဖြင့် ရောက်ရှိလာသူ မာစီယဲလ်သည် ယခုရာသီတွင် မန်ယူအသင်း၌ ၁၁ ပွဲသာကစားထားရပြီး တစ်ဂိုးသာ သွင်းယူနိုင်ခဲ့သည်။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Advertismentspot_img

Instagram

Most Popular