Sky Sports ရုပ်သံတွင် ဘောလုံးဝေဖန်သူအဖြစ် ဆောင်ရွက်နေသည့် လီဗာပူးလ်နောက်ခံလူဟောင်း ကာရေဂါက ဆာလာအား စာချုပ်သက်တမ်းတိုးရန် လီဗာပူးလ် အသင်းကို တိုက်တွန်းပြောကြားခဲ့သည်။
ဆာလာသည် လီဗာပူးလ်အသင်းတွင် တစ်ပတ်လစာ ပေါင် ၂၀၀၀၀၀ ရရှိနေပြီး ၎င်း၏လက်ရှိစာချုပ် မှာ ၂၀၂၃ ဇွန် ၃၀ ရက်တွင် ကုန်ဆုံးမည်ဖြစ်သည်။ လီဗာပူးလ်အသင်းသည် ဆာလာကို စာချုပ်သစ်ချုပ်ဆိုရန် ကြိုးပမ်းနေသော်လည်း လက်ရှိအချိန်ထိ အဆင်မပြေဖြစ်နေသည်။
ကာရေဂါက “ဆာလာက ပရီးမီးယားလိဂ်မှာ လစာအများဆုံးဖြစ်ချင်တယ်ဆိုရင်တောင် သူ ပြသထားတဲ့ခြေစွမ်းနဲ့ ထိုက်တန်ပါတယ်။ လီဗာပူးလ်အနေနဲ့ ဆာလာကို စာချုပ်သက်တမ်းတိုးမယ့်ကိစ္စကို အလျင်အမြန်ဆောင် ရွက်ရမှာပါ။ တကယ်လို့ သူ ထွက်ခွာသွားမယ်ဆိုရင် ပရိသတ်တွေက ဘုတ်အဖွဲ့ကိုခွင့်လွှတ်ဖို့ ခက်ခဲပါလိမ့်မယ်” ဟု ပြောကြားခဲ့သည်။
