အီတလီဂန္ထဝင်နောက်ခံလူ ချီလီနီက အသက်(၁၆) နှစ်သားအရွယ်တွင် အာဆင်နယ်အသင်း၏ ကမ်းလှမ်းမှု ရရှိခဲ့သော်လည်း ငြင်းပယ်ခဲ့ခြင်းမှာ မှားယွင်းခဲ့ကြောင်း ဝန်ခံခဲ့သည်။
အီတလီအသင်းခေါင်းဆောင်ဟောင်း ချီလီနီကို အာဆင်နယ်အသင်းက လစာငွေအမြောက်အမြားဖြင့် ကမ်းလှမ်းခဲ့သော်လည်း ၎င်းက ယင်းအချိန်တွင် သူ၏မိခင်ကလပ် လီဗော်နိုကို သစ္စာဖောက်ရာရောက်သည်ဟု ခံစားမိသဖြင့် ငြင်းပယ်ခဲ့ခြင်းဖြစ်သည်။
အာဆင်နယ်အသင်းသည် ချီလီနီကို တစ်နှစ်လစာ ပေါင်(၆၆၀၀၀)ပမာဏဖြင့် ကမ်းလှမ်းခဲ့ခြင်းဖြစ်ကြောင်း သိရသည်။
ချီလီနီသည် ပရီးမီးယားလိဂ်တွင် ကစားရမည့် အခွင့်အရေးဆုံးရှုံးခဲ့သော်လည်း ဂျူဗင်တပ်စ်အသင်းသို့ ပြောင်းရွှေ့ခဲ့ပြီးနောက် ဆုဖလားအောင်ပွဲများစွာ ရယူနိုင်ခဲ့သည်။
