အက်သလက်တီကိုမက်ဒရစ်အသင်းသည် ၎င်းတို့အသင်း၏ ပေါ်တူဂီလူငယ်ကြယ်ပွင့်တိုက်စစ်မှူး ဂျော်အိုဖေးလစ်အတွက် မန်ယူအသင်း၏ ပေါင်သန်း (၁၁၀)တန် ကမ်းလှမ်းမှုကို ငြင်းဆန်ပယ်ချခဲ့ကြောင်း သိရှိရသည်။
အက်သလက်တီကိုမက်ဒရစ်အသင်းသည် ၎င်းတို့အသင်း၏ ကြယ်ပွင့်တိုက်စစ်မှူးအား ရောင်းထုတ်ရန်ထက် အသင်းတွင် ဆက်ထိန်းထားရန်သာဆန္ဒရှိနေပြီး မန်ယူအသင်း စျေးပိုပေးခဲ့လျှင်ပင် ရောင်းထုတ်ရန် အစီအစဉ်မရှိနိုင်ဟု စပိန်မီဒီယာများက သုံးသပ်ခဲ့သည်။
အက်သလက်တီကိုမက်ဒရစ်အသင်းသည် ကလပ်အင်အား ထပ်မံလျော့ကျမည့်အခြေအနေကို အရောက်ခံရန်ဆန္ဒမရှိသလို၊ ဂျော်အိုဖေးလစ်နေရာတွင် အစားထိုးမည့် ကစားသမားအား အလွယ်တကူရှာဖွေရန်ခက်ခဲသဖြင့် ဆက်လက်ထိန်းထားရန် အတွက်သာ ဆုံးဖြတ်ခဲ့ခြင်းဖြစ်သည်ဟုလည်း သိရှိရသည်။
မန်ချက်စတာယူနိုက်တက်အသင်းသည် ၎င်းတို့အသင်း၏ တိုက်စစ်ပိုင်းကိုအားဖြည့်ရန် အသည်းအသန်ကြိုးပမ်းနေပြီး အက်သလက်တီကိုမက်ဒရစ်အသင်းထံ တရားဝင်ကမ်းလှမ်းခဲ့ခြင်းဖြစ်ကာ ငြင်းဆန်ပယ်ချခံရပြီးနောက် ထပ်မံကြိုးပမ်းရန်လည်း ဆန္ဒရှိနေသည်။
မန်ယူအသင်း၏ ဖေးလစ်အတွက်ကမ်းလှမ်းမှုမှာ အက်သလက်တီကိုမက်ဒရစ်အသင်းအတွက် မက်မောလောက်ဖွယ်ကမ်းလှမ်းမှုဖြစ်သော်လည်း ဖေးလစ်၏ လျော်ကြေးစာချုပ်နှင့် နှိုင်းယှဉ်လျှင်မူ အလွန်ကွာဟလျက်ရှိနေသေးသည်။ အက်သလက်တီကို မက်ဒရစ်အသင်းနှင့် ဂျော်အိုဖေးလစ်တို့သည် ယူရို သန်း (၃၅၀)တန် လျော်ကြေးစာချုပ် ချုပ်ဆိုထားခြင်းဖြစ်ကြောင်း သိရှိရသည်။
အက်သလက်တီကိုမက်ဒရစ်အသင်းသည် ဂျော်အိုဖေးလစ်အား လုံးဝမရောင်းထုတ်ရန် ရည်ရွယ်ထားသော်လည်း မန်ယူနိုက်တက်အသင်းသာ ပေါင်သန်း(၁၅၀) အထက် ကမ်းလှမ်းလာခဲ့လျှင်မူ လက်ခံစဉ်းစားဖွယ်ရှိနေသည်ဟုလည်း သိရှိရသည်။
