နယူးကာဆယ်အသင်းသည် ပေါ်တူဂီတိုက်စစ်ကစားသမား ဂျော်အိုဖေးလစ်ကို ခေါ်ယူရန် စိတ်ဝင်စားနေကြောင်း သိရသည်။
ဂျော်အိုဖေးလစ်သည် ယခုရာသီတွင် အက်သလက်တီကိုအသင်းမှ ချယ်လ်ဆီးအသင်းထံ ရာသီဝက်အငှားဖြင့် လာရောက်ကစားနေသူဖြစ်သည်။
ချယ်လ်ဆီးအသင်းကလည်း ၎င်းကို အပြီးသတ်ခေါ်ယူရန် လိုလားနေပြီး ယခုအခါ နယူးကာဆယ်အသင်းကလည်း ခေါ်ယူရန် စိတ်ဝင်စားနေခြင်းဖြစ်သည်။
အက်သလက်တီကိုအသင်းသည် ဂျော်အိုဖေးလစ်အတွက် ပြောင်းရွှေ့ကြေးကို ပေါင်သန်း(၉၀)ဝန်းကျင်ရရှိရန် မျှော်လင့်နေကြောင်း သိရသည်။
အသက် (၂၃) နှစ်အရွယ်ရှိ ဂျော်အိုဖေးလစ်သည် ယခုရာသီတွင် ချယ်လ်ဆီးအသင်းအတွက် ပြိုင်ပွဲစုံ (၁၈) ပွဲတွင် (၃) ဂိုးသာ သွင်းယူထားနိုင်ခဲ့သည်။