မန်ယူအသင်းသည် ချယ်လ်ဆီးအသင်းတွင် နေရာရရန် ရုန်းကန်နေရသည့် အမေရိကန်တောင်ပံကစားသမား ပူလီဆစ်အား အငှားဖြင့် ခေါ်ယူရန် စောင့်ကြည့်နေကြောင်း ဗြိတိန်သတင်းစာ Daily Mail က ဖော်ပြခဲ့သည်။
အသက် (၂၃) နှစ်အရွယ်ရှိ အမေရိကန်လက်ရွေးစင်တောင်ပံကစားသမား ပူလီဆစ်သည် ၂၀၁၉ နွေရာသီတွင် ဒေါ့မွန်အသင်းမှ ချယ်လ်ဆီးအသင်းထံသို့ ပေါင် (၅၈) သန်းဖြင့် ပြောင်းရွှေ့လာခဲ့သူဖြစ်သည်။
၎င်းသည် နည်းပြ တူဟယ်လ်လက်ထက် ချယ်လ်ဆီးအသင်းတွင် ပုံမှန်ပွဲထွက်ခွင့်ရရန် ရုန်းကန်နေပြီး လာမည့်ဆောင်းရာသီတွင် ၂၀၂၂ ကမ္ဘာ့ဖလားပြိုင်ပွဲရှိနေသည့်အတွက် ပုံမှန်ပွဲကစားခွင့်ရမည့်အသင်းသို့ ပြောင်းရွှေ့ရန်ဆန္ဒရှိနေကြောင်း သိရသည်။
လက်ရှိတွင် ပူလီဆစ်အား ခေါ်ယူရန် နယူးကာဆယ်၊ အေစီမီလန်၊ အက်သလက်တီကို၊ ဂျူဗင်တပ်စ်နှင့် မန်ယူအသင်းတို့က စိတ်ဝင်စားနေကြောင်း သိရသည်။
မန်ယူအသင်းသည် ကနဦးက ပူလီဆစ်၏အခြေအနေကိုမသိသဖြင့် မကြိုးစားခဲ့ခြင်းဖြစ်ပြီး ယခုအခါ ကစားသမားက အသင်းပြောင်းရွှေ့လိုနေသဖြင့် ခေါ်ယူရန်ကြိုးပမ်းလာခြင်းဖြစ်ကြောင်း သိရသည်။
သို့သော် ချယ်လ်ဆီးအသင်းသည် ပူလီဆစ်ကို ပရီးမီးယားလိဂ်ပြိုင်ဘက်များထံ တိုက်ရိုက်ရောင်းချဖွယ်မရှိသဖြင့် မန်ယူအသင်းအနေဖြင့် အငှားခေါ်ယူရန် စောင့်ကြည့်နေခြင်းဖြစ်သည်။
မန်ယူနည်းပြ တန်ဟက်ဂ်က အသင်းတိုက်စစ်ကို အင်အားဖြည့်တင်းရမည်ဟု ပြောကြားထားသည်။
