ရိုးမားအသင်းနည်းပြ မော်ရင်ဟိုသည် ချယ်လ်ဆီးအသင်းကို ထပ်မံတာဝန်ယူရန် ဆန္ဒရှိနေကြောင်း သိရသည်။
မော်ရင်ဟိုသည် ချယ်လ်ဆီးအသင်းပိုင်ရှင်ဟောင်း အေဘရာမိုဗစ်ချ်နှင့်အတူ ချယ်လ်ဆီးတစ်ခေတ်ကို တည်ထောင်ပေးခဲ့သူဖြစ်သော်လည်း နောက်ပိုင်းတွင် မန်ယူနှင့် စပါးအသင်းတု့ိအား တာဝန်ယူခဲ့သဖြင့် ချယ်လ်ဆီးအသင်းပရိသတ်အချို့၏ အမြင်မကြည်လင်မှုနှင့် ရင်ဆိုင်ခဲ့ရသူဖြစ်သည်။
မော်ရင်ဟို၏ ဇနီးနှင့်ရင်သွေးများသည် လက်ရှိအချိန်တွင် အင်္ဂလန်နိုင်ငံ၊ လန်ဒန်မြို့၌ အခြေချနေဆဲဖြစ်ပြီး မော်ရင်ဟိုအနေဖြင့်လည်း အင်္ဂလန်သို့ ပြန်ရောက်ဖွယ်ရှိနေကြောင်း ဗြိတိန်မီဒီယာများက ဖော်ပြခဲ့သည်။
သို့သော် ချယ်လ်ဆီးအသင်းလက်ရှိဥက္ကဋ္ဌ တော့ဒ်ဘိုလီက မော်ရင်ဟိုကို အသင်းနည်းပြအဖြစ် ပြန်လည်ခန့်အပ်ရန် ဆန္ဒမရှိဘဲ၊ လက်ရှိနည်းပြ ဂရေဟမ်ပေါ်တာနှင့် ဆက်လက်လက်တွဲသွားမည်ဖြစ်ကြောင်း အသိပေးခဲ့သည်။
မော်ရင်ဟိုသည် ရိုးမားအသင်း၏ ကစားသမားအပြောင်းအရွှေ့မူဝါဒကို သဘောမကျသဖြင့် အသင်းမှထွက်ခွာဖွယ်ရှိနေကြောင်း သိရသည်