လီဗာပူးလ်အသင်း၏ ကွင်းလယ်ကစားသမား ဖာဘင်ညိုသည် ချယ်လ်ဆီးနှင့် ကစားရမည့် FA ဖလားဗိုလ်လုပွဲကို လွဲချော်မည်ဖြစ်ကြောင်း သိရသည်။
အသက် (၂၈) နှစ်အရွယ်ရှိ ဘရာဇီးလ်ကွင်းလယ်ကစားသမား ဖာဘင်ညိုသည် မေလ (၁၀) ရက်က ကစားခဲ့သည့် ပရီးမီးယားလိဂ်ပွဲစဉ် အက်စတွန်ဗီလာ (၁-၂) လီဗာပူးလ်ပွဲ၌ ပွဲချိန် (၃၀) မိနစ်တွင် ကြွက်သားဒဏ်ရာရရှိခဲ့ပြီး ဟန်ဒါဆန်နှင့် လူစားလဲခဲ့ရသည်။
ဖာဘင်ညိုအနေဖြင့် အဆိုပါဒဏ်ရာကြောင့် မည်မျှအနားယူရမည်ကို မသိရသေးသော်လည်း မေလ (၁၄) ရက်တွင် ကစားမည့် ချယ်လ်ဆီးအသင်းနှင့် FA ဖလား ဗိုလ်လုပွဲကို လွဲချော်မည်ဖြစ်ကြောင်း အသင်းနည်းပြ ယာဂန်ကလော့ပ်က အတည်ပြုပြောကြားခဲ့သည်။
ထို့ပြင် ယာဂန်ကလော့ပ်က ဖာဘင်ညို ဒဏ်ရာရရှိခြင်းမှာ ဖလား (၄) လုံးအတွက် တိုက်ပွဲဝင်နေသည့် လီဗာပူးလ်အသင်းအတွက် ြကြီးမားသည့် ထိုးနှက်ချက်ဖြစ်ကြောင်းလည်း ဝန်ခံခဲ့သည်။
ဖာဘင်ညိုသည် အက်စတွန်ဗီလာနှင့်ပွဲတွင် ရရှိခဲ့သည့် ဒဏ်ရာကြောင့် ချယ်လ်ဆီးနှင့် ကစားမည့် FA ဖလား ဗိုလ်လုပွဲကိုသာမက ပရီးမီးယားလိဂ်လက်ကျန်ပွဲစဉ် (၂) ပွဲကိုလည်း လွဲချော်ဖွယ်ရှိနေကြောင်း သိရသည်။
လီဗာပူးလ်အသင်းသည် ဖလား(၄)လုံးမျှော်လင့်ချက်အတွက် FA ဖလားဗိုလ်လုပွဲအပါအဝင် နောက်ထပ်(၄)ပွဲသာ ယှဉ်ပြိုင်ကစားရတော့မည်ဖြစ်ပြီး ဖာဘင်ညိုအနေဖြင့် အနည်းဆုံး မေလ (၂၈) ရက်တွင် ရီးယဲလ်မက်ဒရစ်နှင့် ကစားမည့် ချန်ပီယံလိဂ်ဗိုလ်လုပွဲတွင် ကစားနိုင်ရန် မျှော်လင့်နေကြောင်း သိရသည်။
