ချဲလ်ဆီး အသင်း ရဲ့ ပြင်သစ် ဝါရင့် တိုက်စစ်မှူး အိုလီဗီယာ ဂျရူး ဟာ မနေ့ည က ကစားခဲ့တဲ့ ချန်ပီယံလိဂ် အုပ်စု အဆင့် ပွဲစဉ် တပွဲ ဖြစ်တဲ့ ရန်းနက်စ် နဲ့ ပွဲမှာ လူစားဝင် အနေနဲ့ နာကျင် အချိန်ပို ၃မိနစ် အတွင်း မှာ ချဲလ်ဆီး အတွက် ၁၆ သင်း အဆင့် ကို တက်ရောက်စေမယ့် အနိုင်ဂိုး ကို ခေါင်းတိုက် သွင်းယူပေးနိုင်ခဲ့ပါတယ် ။
ဂျရူး ဟာ ယခုနှစ် ဘောလုံး ရာသီမှာ ချဲလ်ဆီး အသင်း အတွက် ကာရာဘောင် ဖလား ပွဲတပွဲ မှာသာ ပွဲထွက်ခွင့် ရခဲ့ပြီး ၊ ကစားခွင့် ရတဲ့ အခြေအနေ အားလုံး က လူစားလဲခွင့်တွေက ဖြစ်ပါတယ် ။ ဒါဟာ ပြင်သစ် လက်ရွေးစင် အသင်း နဲ့ အတူ လာမယ့် ယူရို ပြိုင်ပွဲ ကို ဆင်နွှဲလိုတဲ့ ဂျရူး အတွက် လုံလောက်မှု မရှိပါဘူး ။
နောက်ဆုံး တခေါက် international break အတွင်းမှာလည်း ပြင်သစ် လက်ရွေးစင် အသင်း နည်းပြ ဒီဒီယာ ဒက်စ်ချမ့်စ် က ဂျရူး ကို ချဲလ်ဆီး အသင်း မှာ ရရှိနေတဲ့ ပွဲကစားခွင့် အခြေအနေ နဲ့ ပတ်သက်ပြီး သတိပေးမှုတွေ လုပ်ခဲ့ပါတယ် ။
ဂျရူး ကိုယ်တိုင်ကလည်း ပြီးခဲ့တဲ့ နယူးကာဆယ် နဲ့ ပွဲမတိုင်မီ ပြင်သစ် သတင်း ဌာန Telefoot နဲ့ တွေ့ဆုံခဲ့ရာမှာ သူဟာ လာမယ့် ဇန်နဝါရီ အပြောင်းအရွှေ့ ဈေးကွက် အတွင်းမှာ အနာဂတ် နဲ့ ပတ်သက်ပြီး စဉ်းစားမှာ ဖြစ်တယ် လို့ အတိအလင်း ထုတ်ဖော် ဝန်ခံခဲ့ပါတယ် ။
အေးဂျင့် ဖြစ်သူ ကလည်း အသင်း ကို အကြိမ်ကြိမ် အကျိုးပြုပေးခဲ့ဖူးတဲ့ ဂျရူး ထက် တမ်မီ အေဘရာဟမ် ကိုသာ အလေးပေးနေတဲ့ အပေါ် ပေါ်တင် ဝေဖန် ပြောဆိုခဲ့ပါတယ် ။ မနေ့ည က ပွဲမှာလည်း ဂျရူး ဟာ ချဲလ်ဆီး အသင်း အတွက် နာကျင် အချိန်ပို မှာ အနိုင်ဂိုး ကို ခေါင်းတိုက် သွင်းယူခဲ့ကာ ၊ ထပ်မံ ကယ်တင်နိုင်ခဲ့ပါတယ် ။
ချဲလ်ဆီး နည်းပြ ဖရန့် လမ်းပတ် ကတော့ ပွဲအပြီးမှာ ဂျရူး ရဲ့ ပရော်ဖက်ရှင်နယ် ဆန်တဲ့ ခံယူချက် အပေါ် အထူး ချီးကျူး ပြောဆိုခဲ့သလို ၊ ဂျရူး ဟာ အနာဂတ် မှာ သေချာပေါက် ကစားခွင့် မိနစ်တွေ ထပ်မံ ရရှိလာဦးမှာ ဖြစ်တယ် လို့လည်း ကတိပြု ပြောဆိုခဲ့ပါတယ် ။
BT Sport နဲ့ အင်တာဗျူး မှာ လမ်းပတ် က ” အိုလီ ဟာ သူ အရင်က အသင်း အတွက် စွမ်းဆောင်ပေးနေကြ ပုံစံ အတိုင်းပဲ ဒီနေ့ည ပွဲမှာ စွမ်းဆောင်သွားတာ ဖြစ်ပါတယ် ။ ဒါဟာ သူ့အတွက် အရမ်း ကောင်းပါတယ် ။ လူစားဝင်လာကတည်းက ကျွန်တော် တို့ဟာ သူ့ရဲ့ ခန္ဓာကိုယ် ခုပြီး ဘောလုံး ထိန်းသိမ်းထားနိုင်ပုံတွေ ၊ တွန်းတွန်းတိုက်တိုက် တုန့်ပြန်နိုင်မှု တွေကို မြင်တွေ့ခဲ့ရပါတယ် ။ “
” ဒါဟာ ကျွန်တော့ အတွက်တော့ ပြဿနာ တခုပါ ။ ဘာလို့လဲ ဆိုတော့ လောလောဆယ် မှာ တမ်မီ ကလည်း ပုံစံကောင်းတွေ ပြနေလို့ပါ ။ ကျွန်တော် တို့ရဲ့ ရှေ့လျှောက် ပွဲစဉ် ဇယား တွေက အရမ်း များပြားနေလို့ အိုလီ ဟာ အနာဂတ် မှာ သေချာပေါက် ကစားခွင့် မိနစ်တွေ ရလာဦးမှာ ဖြစ်ပါတယ် ။ “
” ဒီနေ့ပွဲမှာ ဆိုလည်း ကျွန်တော် ဟာ ပွဲထွက် စာရင်းမှာ အပြောင်းအလဲ တချို့ လုပ်ခဲ့ပါသေးတယ် ။ ဘာလို့လဲ ဆိုတော့ ကျွန်တော် ဟာ အသင်း အတွင်းမှာ လန်းဆန်မှု တချို့ ရှိနေစေချင်လို့ပါ ။ ခင်ဗျား အနေနဲ့ ဒီပွဲမှာ အိုလီ ရဲ့ နာကျင် အချိန်ပို သွင်းဂိုး အတွက် တုန့်ပြန်မှု ကို မြင်တွေ့ရမှာပါ ။ “
” ဒီလို တုန့်ပြန်မှု တွေက အဖိုးတန် အနိုင်ဂိုး ရခဲ့တဲ့ အခိုက်အတန့်မှာမှ ဖြစ်ခဲ့တာ မဟုတ်ပဲ ၊ လူစားဝင် ကစားခွင့် ရတဲ့ အခါ ကတည်းက ပြသခဲ့တဲ့ ခံယူချက်တွေ ဖြစ်ပါတယ် ။ ဒါကို ကြည့်ခြင်းအားဖြင့် သူဟာ ကျွန်တော်တို့ အသင်း အတွက် ဘယ်လောက် အထိ တန်ဖိုးရှိတဲ့ ကစားသမား တယောက် ဆိုတာ ခင်ဗျားတို့ သိနိုင်မှာပါ ။ ” လို့ ပြောကြားခဲ့ပါတယ် ။
