ဂျူဗင်တပ်စ်ဘုတ်အဖွဲ့သစ်အနေဖြင့် အသင်းနည်းပြ အယ်လီဂရီအား လာမည့် ၂၀၂၃-၂၄ ရာသီတွင် ချန်ပီယံလိဂ်ဝင်ခွင့်မရမှသာလျှင် ရာထူးမှထုတ်ပယ်လိမ့်မည်ဟု အီတလီအားကစားသတင်းစာ Tuttosport က ဖော်ပြခဲ့သည်။
ဂျူဗင်တပ်စ်အသင်းသည် ငွေကြေးခဝါချမှုဖြင့် စစ်ဆေးခံရပြီးနောက် နိုဝင်ဘာလကုန်ပိုင်းတွင် ရာထူးမှနုတ်ထွက်ခဲ့ကြသည့် အသင်းဥက္ကဋ္ဌ အဂ္ဂါနယ်လီအပါအဝင် ဘုတ်အဖွဲ့ဝင်များ၏ နေရာတွင် ဘုတ်အဖွဲ့ဝင် ဒါရိုက်တာများကို ဒီဇင်ဘာ (၂၆) ရက်က ခန့်အပ်ခဲ့သည်။
ယင်းဂျူ ဗင်တပ်စ်ဘုတ်အဖွဲ့သစ်တွင် ဖယ်ရိုက အသင်းဥက္ကဋ္ဌအဖြစ် ဆောင်ရွက်မည်ဖြစ်ပြီး အမှုဆောင်ချုပ်အဖြစ် စကန်နာဗီရိုက ဆောင်ရွက်မည်ဖြစ်ကြောင်း သိရသည်။ ထို့ပြင် ဂျူဗင်တပ်စ်ဘုတ်အဖွဲ့သစ်တွင် ဗစ်တိုးရီးယားနာဂရီ၊ ပစ်စတုန်း၊ ကက်ပီယယ်လိုတို့ပါဝင်ပြီး ၎င်းတို့သည် ၂၀၂၃ ဇန်နဝါရီ (၂၃) ရက်တွင် စတင်တာဝန်ယူကိုင်တွယ်မည်ဖြစ်ကြောင်း သိရှိရသည်။
ဂျူဗင်တပ်စ်ဘုတ်အဖွဲ့သစ်အနေဖြင့် ယခုရာသီတွင် ရလဒ်ဆိုးရွားနေသော်လည်း အသင်းနည်းပြ အယ်လီဂရီကို ရာထူးမှထုတ်ပယ်ရန် ဆန္ဒမရှိကြောင်း သိရှိရသည်။ ဂျူဗင်တပ်စ်အသင်းသည် စီးရီးအေပွဲစဉ် (၁၅) အ ပြီးတွင် ရမှတ် (၃၁) မှတ်ဖြင့် အဆင့် (၃) နေရာတွင်ရပ်တည်နေပြီး ထိပ်ဆုံးမှ နာပိုလီ (၄၁ မှတ်)နှင့် (၁၀) မှတ်ကွာဟနေသော်လည်း အဆင့် (၅) မှ အင်တာမီလန် (၃၀ မှတ်) နှင့်မူ (၁) မှတ်သာ ကွာဟလျက်ရှိသည်။
ဂျူဗင်တပ်စ်ဘုတ်အဖွဲ့ သစ်သည် အယ်လီဂရီကို ဆက်ထိန်းလိုသော်လည်း ချန်ပီယံလိဂ်ဝင်ခွင့်မရပါက ပရိသတ်များဆန္ဒအတိုင်း ၎င်းကို ရာထူးမှထုတ်ပယ်ရှိကြောင်း Tuttosport ကဖော်ပြခဲ့သည်။
