ချယ်လ်ဆီးအသင်း၏ ပြင်သစ်ဝါရင့်တိုက်စစ်မှူး ဂျရူးသည် ချန်ပီယံလိဂ်ရှုံးထွက်အဆင့်များတွင် ချယ်လ်ဆီးအသင်းအတွက် အသက်အကြီးဆုံးဂိုးသွင်းသူအဖြစ် မှတ်တမ်းဝင်ခဲ့ကြောင်း သိရှိရသည်။
ပြီးခဲ့သည့် အင်္ဂါနေ့က ကစားခဲ့သော ချန်ပီယံလိဂ်ရှုံးထွက် (၁၆)သင်းအဆင့်ပွဲစဉ် အက်သလက်တီကို (၀-၁)ချယ်လ်ဆီးပွဲတွင် ဂျရူးသည် ချယ်လ်ဆီးအသင်းအတွက် တစ်လုုံးတည်းသော အနိုင်ဂိုးကို ပွဲချိန်(၆၈)မိနစ်တွင် နောက်ပြန်ကန်ချက်ဖြင့် လှပစွာ သွင်းယူပေးနိုင်ခဲ့သည်။
ယင်းပွဲကစားသည့်နေ့က ဂျရူး၏အသက်မှာ (၃၄)နှစ်၊ (၁၄၆)ရက်ရှိပြီဖြစ်ပြီး ချယ်လ်ဆီးအသင်းအတွက် အသက်အကြီးဆုံးစံချိန်တစ်ခုကို တင်ရှိနိုင်ခဲ့ခြင်းဖြစ်သည်။
ထို့ပြင် ဂျရူးသည် (၁၀)နှစ်နီးပါးကာလအတွင်း ချန်ပီယံလိဂ်ရှုံးထွက်အဆင့်ပွဲစဉ်များတွင် အင်္ဂလန်ကလပ်အသင်းတစ်သင်းအတွက် ဂိုးသွင်းယူနိုင်သော အသက်အကြီးဆုံးကစားသမားအဖြစ် (၂၀၁၁ခုနှစ်ကချန်ပီယံလိဂ် ရှုံးထွက် ၁၆သင်းအဆင့်ပွဲစဉ် မန်ယူ – ရှော်လ်ကေးပွဲတွင် ဂိုးသွင်းခဲ့သော ရိုင်ယန်ဂစ် – ၃၇ နှစ် အပြီး) မှတ်တမ်းဝင်ခဲ့သည်။
