မန်ယူအသင်း၏ နောက်ခံလူ ဝမ်ဘစ်ဆာကာသည် လာမည့် အာဖရိကဖလားပြိုင်ပွဲတွင် ကွန်ဂိုလက်ရွေးစင်အဖြစ် ယှဉ်ပြိုင်ကစားရန် စဉ်းစားနေကြောင်း သိရသည်။
ဝမ်ဘစ်ဆာကာ(၂၅ နှစ်)သည် ကွန်ဂိုယူ-၂၀ အသင်းအတွက် ကစားပေးခဲ့ဖူးသူဖြစ်ပြီး အင်္ဂလန်လက်ရွေးစင်အဖြစ် လက်ရှိအချိန်အထိ ရွေးချယ်ခံရခြင်းမရှိသည့်အတွက် ကွန်ဂိုလက်ရွေးစင်အဖြစ် ယှဉ်ပြိုင်ကစားရန် စဉ်းစားနေခြင်းဖြစ်ကြောင်း သိရသည်။
အာဖရိကဖလား ယှဉ်ပြိုင်မည့် ကွန်ဂိုအသင်းက ၎င်း၏ ဆုံးဖြတ်ချက်ကို စောင့်မျှော်နေပြီး ရွေးချယ်မှုပြုလုပ်ရန် အသင့်ဖြစ်နေကြောင်း သိရသည်။
