မကြာသေးမီကမှာ PSG အသင်းနှင့် ယူရိုသန်း ရာပေါင်းများစွာ တန်ကြေးရှိသည့် သက်တမ်းတိုးစာချုပ်ချုပ်ဆိုခဲ့သည့် ပြင်သစ်လူငယ် ကြယ်ပွင့်တိုက်စစ်မှူး ဘာပေသည် ယခုအချိန်တွင် ကိုယ်ပိုင်အမှတ်တံဆိပ်ထုတ်ကုန်များအတွက် WME Sports နှင့် သဘောတူလက်မှတ်ရေးထိုးခဲ့ပြီဖြစ်ကြောင်း သိရှိရသည်။
WME Sports သည် ဘာပေ ၏ ပုံရိပ်ကိုအသုံးပြုကာ 3 D အမှတ် တံဆိပ်အရုပ်များ၊ အားကစား၊ ဂီတာ၊ အနုပညာ၊ နည်းပညာ၊ ဂိမ်း စသဖြင့် လူငယ်များနှင့် ဆက်စပ်သည့် ကိစ္စရပ်အားလုံးတွင် အမှတ်တရပစ္စည်းများ ထုတ်လုပ်ပေးသွားမည်ဖြစ်သည်။
ဘာပေက စီးပွားရေးလုပ်ငန်းအဝ၀ နှင့် စျေးကွက်အတွင်း ဖြန့်ချိမှုတို့ကို WME Sports ကို လွှဲအပ်ပေးထားမည်ဖြစ်ပြီး WME Sports က ကော်မရှင်ခ ပြန်လည်ရယူမည်ဖြစ်သည်။
ယင်းအတွက်ကြောင့် လုပ်ငန်းမှ ရရှိသည့် အကျိုးအမြတ်အားလုံးကို ဘာပေက ထိန်းချုပ်ခွင့်ရမည်ဖြစ်ပြီး ဘာပေအနေဖြင့် ကွင်းတွင်းခြေစွမ်းကောင်းမွန်ရေးကိုသာ အဓိကအာရုံစိုက်ကစားရမည်ဖြစ်သည်။
WME Sports သည် နာမည် ကြီး အားကစားအမှတ်တံဆိပ်ပစ္စည်း ထုတ်လုပ်ရေး ကုမ္ပဏီတစ်ခုဖြစ်ပြီး ကမ္ဘာ့ဘောလုံးလောက၏ ကြယ်ပွင့်တစ်ဦးဖြစ်သည့် ဘာပေနှင့် လက်တွဲခွင့်ရရှိခဲ့ခြင်းအတွက် အလွန်ကျေနပ်ကြောင်းထုတ်ပြန်ကြေညာခဲ့သည်။
