မန်ချက်စတာ ယူနိုက်တက် အသင်းဟာ ပြီးခဲ့တဲ့ နွေအပြောင်းအရွှေ့ တုန်းက ဒွန်နီ ဗန်ဒီ ဘိခ် ၊ အီဒင်ဆန် ကာဗာနီ ၊ အဲလက်စ် တဲလက်စ် ၊ အာမတ် ဒီယာလို (ဇန်နဝါရီမှ ပြောင်းလာမည်) နဲ့ ဖာကွန်ဒို ပယ်လီစထရီ တို့ကို ခေါ်ယူ ဖြစ်ခဲ့ပေမယ့် အဆိုပါ ကစားသမား တွေဟာ ပွဲထွက် ကစားခွင့် နည်းပါး ခဲ့ကြ ပါတယ် ။
အထူးသဖြင့် ယူနိုက်တက် အသင်းဆီ စောပြီး ရောက်လာခဲ့တဲ့ နယ်သာလန် လက်ရွေးစင် ကွင်းလယ်လူ ဒွန်နီ ဗန်ဒီ ဘိခ် ဟာ ကာရာဘောင်း ဖလား ပွဲစဉ် နှစ်ပွဲက လွဲရင် ပရီးမီးယား လိဂ် နဲ့ ချန်ပီယံ လိဂ် တွေမှာ ပွဲထွက် ကစားခွင့် မရရှိ ခဲ့တဲ့ အတွက် ဝေဖန်မှု တွေကို ခံနေခဲ့ရပါ သေးတယ် ။
ဒါပေမယ့် သူဟာ ယူနိုက်တက်တို့ လက်ပ်ဇစ် အသင်းကို 5 – 0 ဆိုတဲ့ ရလဒ် နဲ့ ဂိုးပြတ် အနိုင် ရရှိခဲ့တဲ့ ချန်ပီယံလိဂ် အုပ်စု ဒုတိိိိယမြောက် ပွဲစဉ်မှာ ပွဲထွက် ဗန်ဒီ ဘိခ်ဟာ ပွဲထွက် ကစားခွင့် ပိုင်ဆိုင် နိုင်ခဲ့ပြီး စိန်ပွင့် ပုံစံ ကွင်းလယ် ကစားကွက် ရဲ့ တိုက်စစ်ပိုင်းမှာ ကစားခဲ့ရ ပါတယ် ။
အီဒင်ဆန် ကာဗာနီ ကတော့ မာရှယ် ၊ ရပ်ရှ်ဖို့ နဲ့ ဂရင်းဝုဒ် တို့ ရှိနေ ကြတဲ့ တိုက်စစ်ပိုင်းမှာ ပွဲထွက် ကစားခွင့်တွေကို မပိုင်ဆိုင် နိုင်ခဲ့သေး ပါဘူး ။ အဲလက်စ် တဲလက်စ် ကတော့ အသင်း အတွက် တစ်ပွဲသာ ကစားပေးထားခဲ့ သေးပြီး ကိုဗစ် ဖြစ်နေခဲ့တဲ့ အတွက် အနားယူ နေခဲ့ရ ပါတယ် ။
ဘယ်လိုပဲ ဖြစ်နေပါစေ ၊ ဆိုးလ်ရှား ကတော့ ကစားသမားသစ် တွေကို နေရာ မပေး ခဲ့တဲ့ အတွက် ဝေဖန်မှု တွေကို ခံနေခဲ့ရတာ အားလုံး အသိပဲ ဖြစ်ပါတယ် ။ အထူးသဖြင့် ယူနိုက်တက် ပရိသတ် တွေနဲ့ သတင်း သုံးသပ်သူ တွေက ဆိုးလ်ရှား ရဲ့ ပွဲထွက် ကစားသမား ထုတ်မှု အပေါ် အထူး ဝေဖန် ခဲ့ကြ ပါတယ် ။
အခုတော့ ယူနိုက်တက် နည်းပြ ဆိုးလ်ရှားက ဝေဖန်သူ တွေကို ပြန်လည် တုန့်ပြန် သွားခဲ့လိုက်ပြီး ပွဲထွက် ကစားသမား ရွေးချယ်ရေး နဲ့ ပတ်သက်လို့ အသင်း ရဲ့ ပေါ်လစီ အကြောင်း ရှင်းလင်း ပြောကြားရင်း ပရိသတ် တွေဆီ မက်ဆေ့ ပို့ဆောင် သွားခဲ့လိုက် ပါတယ် ။
” ကစားသမားသစ် ခေါ်ယူရေး နဲ့ ပတ်သက်လို့ လူတွေ ပေးခဲ့ ကြတဲ့ အမှတ်တွေ ရတာ ၊ မရတာ အပေါ် ကျွန်တော် စိုးရိမ်မှု မရှိ ပါဘူး ။ အဲ့တာတွေကို လုပ်ဆောင်တာ နဲ့ ပတ်သက်လို့ ဂုဏ်ထူးမှတ် ရသလား ၊ မရသလား ဆိုတာတွေက ကျွန်တော် နဲ့ မသက်ဆိုင် ပါဘူး ”
” ခြားနားတဲ့ ကစားသမား တွေဟာ အသင်းမှာ အံဝင် နိုင်ဖို့ အတွက် ခြားနားတဲ့ အချိန် တစ်ခုစီ ပေးဆောင် ကြရ ပါတယ် ။ အချို့ ကစားသမားတွေ ဆိုရင် ပွဲထွက် ကစားသမား စာရင်းထဲ ချက်ချင်း ရောက်လာ နိုင်ကြ ပါတယ် ။ သူတို့ကို ကြည့်ရတာ ဒီအသင်း မှာပဲ အမြဲ ကစားပေး နေခဲ့ကြ သလို ပါပဲ ”
” အချို့ ကစားသမားတွေ ကတော့ အသင်းသစ် နေရာသစ်မှာ အံဝင် နိုင်ဖို့ အချိန် ပေးကြရ ပါတယ် ။ ကစားသမား တစ်ဦးချင်းစီက အသင်းမှာ အံဝင် နိုင်ဖို့ အတွက် ခြားနားတဲ့ အချိန်တွေကို ပေးဆောင်ရ ပါတယ် ။ ဒါတွေက တူညီနေမှာတော့ မဟုတ်ပါဘူး ”
” ကျွန်တော်တို့ ကစားသမားကောင်း တွေကို ခေါ်ယူနိုင်ခဲ့တယ်လို့ ထင်ပါတယ် ။ ကျွန်တော်တို့ရဲ့ အပြောင်းအရွှေ့ လှုပ်ရှားမှု နဲ့ ပတ်သက်လို့ ကျွန်တော် ပျော်ရွှင်မိ ပါတယ် ။ သူတို့ အားလုံးက အသင်း အတွက် အကျိုး သက်ရောက်မှု လုပ်ဆောင် ပေးနိုင် ခဲ့တယ်လို့ ကျွန်တော် ထင်မိ ပါတယ် ”
” သူတို့တွေက ကျွန်တော်တို့ အရင်ကတည်းက ပစ်မှတ်ထားခဲ့ဲဖူးတဲ့ ကစားသမားတွေ ပါပဲ ။ သူတို့ ရောက်လာတာ နဲ့ ပတ်သက်လို့ ကျွန်တော် ပျော်ရွှင်မိ ပါတယ် ။ ကျွန်တော် တို့က ပွဲထွက်ခွင့် ရရှိရေး အတွက် ပြိုင်ဆိုင်မှုတွေ ရှိနေတာကို နှစ်သက်ကြ ပါတယ် ”
” ကစားသမား တစ်ဦးအနေနဲ့ ‘ ငါဟာ ပွဲထွက်ခွင့် ပျောက်ဆုံး သွားနိုင်တယ် ‘ ဆိုတဲ့ အသိနဲ့ အစွမ်းကုန် ကြိုးစားတာမျိုး ကျွန်တော်တို့ လိုချင်ကြ ပါတယ် ။ ကျွန်တော်တို့ တွေက အဲ့ဒီလိုမျိုး ဖိအားတွေကို တုန့်ပြန် နိုင်မယ့် ကစားသမား တွေကို နှစ်ခြိုက်ကြသူတွေ ပါပဲ ”
” ယူနိုက်တက် ကစားသမား ဖြစ်ချင်ရင် အဲ့တာကို လုပ်ပြ နိုင်ရ ပါ့မယ် ။ တဲလက်စ် က ပဲရစ်မှာ ကစားပုံ အတော် ကောင်းခဲ့ ပါတယ် ။ ပြီးတော့ လုခ်ရှောလည်း နောက်ဆုံး ကစား ခဲ့တဲ့ ပွဲစဉ် တွေမှာ ကစားပုံ ကောင်းခဲ့တယ်လို့ ကျွန်တော် ထင်ပါတယ် ” လို့ ဆိုးလ်ရှား က ပွဲထွက် ကစားသမား တွေကို ဘယ်လို ရွေးမလဲ ဆိုတာ ပြောပြခဲ့လိုက် ပါတယ် ။
