ကစားသမားများသည် ရောဂါလက္ခဏာများ ပြသခဲ့ပြီး ကျန်းမာရေးအာဏာပိုင်၏ ရောဂါထိန်းချုပ်မှုစည်းမျဉ်းများ အတိုင်း သီးသန့်ထားရှိပြီးဖြစ်ကြောင်း ယင်းကြေညာချက်တွင် ရေးသားထားပြီး ကူးစက်ခံရသူများ၏အမည်များကို ဖော်ပြခြင်းမရှိခဲ့ ကြောင်း သိရသည်။
ဥရောပထိပ်တန်းအသင်းများ ဖြစ်သည့် အတ္တလန်တာနှင့် PSG အသင်းများမှာ ကိုရိုနာဗိုင်းရပ်စ်ပြဿနာများနှင့် ရင်ဆိုင်ရလျက်ရှိကြောင်း သိရသည်။
အတ္တလန်တာအသင်းက ကစားသမား သုံးဦး ဗိုင်းရပ်စ်ကူးစက်ခံထားရသည်ဟု အသင်းကကြေညာချက်ထုတ်ပြန်ခဲ့သည်။ ကစားသမားများသည် ရောဂါလက္ခဏာများ ပြသခဲ့ပြီး ကျန်းမာရေးအာဏာပိုင်၏ ရောဂါထိန်းချုပ်မှုစည်းမျဉ်းများ အတိုင်း သီးသန့်ထားရှိပြီးဖြစ်ကြောင်း ယင်းကြေညာချက်တွင် ရေးသားထားပြီး ကူးစက်ခံရသူများ၏အမည်များကို ဖော်ပြခြင်းမရှိခဲ့ ကြောင်း သိရသည်။
အတ္တလန်တာအသင်း အခြေစိုက်ရာ ဘာဂါမိုမြို့သည် အီတလီနိုင်ငံတွင် ဗိုင်းရပ်စ်ပျံံ့နှံ့မှု အဆိုးရွားဆုံးမြို့များထဲက တစ်မြို့ဖြစ်ခဲ့သည်။ အတ္တလန်တာအသင်းသည် သြဂုတ်လ ၃၁ ရက်က လေ့ကျင့်ခန်းပြန်ဆင်းခဲ့ပြီး အီလီချစ်နှင့် နိုင်ငံတကာ ပွဲသွားကစားသည့် ကစားသမား ၁၀ ဦး မပါဝင်ခဲ့ကြောင်း သိရသည်။
PSG အသင်းတွင်လည်း ဗိုင်းရပ်စ်ကူးစက်ခံရသည်ဟု သံသယရှိနေသည့် ကစားသမား နှစ်ဦး ရှိနေကြောင်း အသင်းမှ အတည်ပြုကြေညာခဲ့သည်။ ပြင် သစ်နာမည်ကြီးသတင်းစာ L’Equipe က ဗိုင်းရပ်စ်ကူးစက်ခံရဖွယ်ရှိသည့် ကစားသ မားနှစ်ဦးမှာ စပိန်နိုင်ငံ၊ အီဘီဇာသို့ အပန်း ခြေခရီးသွားရောက်ခဲ့သည့် ဒီမာရီယာနှင့် ပါရေဒက်စ်ဖြစ်ဖွယ်ရှိသည်ဟု ဖော်ပြခဲ့သည်။
