အသင်းသားတွေရဲ့ အင်အားနဲ့စွမ်းဆောင်ရည်ကို ချီးမွမ်းပြီး တစ်ယောက်မှ အထုတ်မခံရသည်ကို ဝမ်းသာကြောင်းတန်းဟက်ပြော

ဘက်တစ်အသင်းကို ၁-၀ ဖြင့်အနိုင်ရရှိပြီးနောက် အဲရစ်တန်းဟက်သည် မန်ယူအသင်းသားများ၏ အင်အားနှင့်စွမ်းဆောင်ရည်ကို ချီးမွမ်းလိုက်ပြီး မနေ့ညက ကစားသည့်ပွဲတွင် ကစားသမား တစ်ဦးမျှ အထုတ်ခံရခြင်းမရှိသည်ကို ဝမ်းမြောက်ရကြောင်းလည်း တန်းဟက်က ပြောဆိုလိုက်သည်။

ပွဲချိန် ၅၆ မိနစ်တွင် ရက်ရှ်ဖို့က မန်ယူအတွက် အနိုင်ဂိုးကို သွင်းပေးနိုင်ခဲ့ခြင်းဖြစ်ပြီး မန်ယူသည်နှစ်ကျော့ပေါင်း ၅-၁ ဂိုးဖြင့် နောက်တစ်ဆင့်သို့ တက်ရောက်နိုင်ခဲ့ခြင်းဖြစ်သည်။ ပထမအကျော့တွင် ၄-၁ ဖြင့်အနိုင်ရခဲ့သော မန်ယူအသင်းမန်နေဂျာ တန်းဟက်သည် မနေ့ညက ကစားသည့် ဘက်တစ်နှင့် ဒုတိယအကျော့တွင် ပယ်လီစထရီ မာလာစီးယားနှင့် မက်ဂွိုင်းယားတို့ကို ပွဲထွက်ကစားသမားအဖြစ် အသုံးပြုခဲ့သည်။

myan789

တန်းဟက်သည် ဒုတိယပိုင်းတွင် ဆန်ချို အီလန်ဂါ ဆာဘစ်ဇာ ဒါးလော့ဖ်နှင့် လင်ဒီလော့ဖ်တို့ကိုလည်း လူစားလဲထည့်သွင်းကစားစေခဲ့သည်။ တန်းဟက်က “ကစားသမားအားလုံးကောင်းတယ်လို့ ဆိုရမှာဖြစ်ပါတယ်။ လူစားလဲပါဝင်ကစားတဲ့ ကစားသမားတွေကလည်း ခြေစွမ်းကောင်းပါတယ်။ မန်ယူမှာ ကစားသမားကောင်း ၁၁ ယောက်ပဲ ရှိတာမဟုတ်ပါဘူး။ အသင်းသားအားလုံး ခြေစွမ်းကောင်းကြပါတယ်”ဟု ပြောဆိုလိုက်သည်။

အသင်းသားများ အနီကတ်မထိဘဲ ကွာတားဖိုင်နယ်ပွဲစဉ်အတွက် ကစားသမားတစ်ယောက်မျှ မလျော့ခြင်းအတွက် ဝမ်းသာကြောင်းလည်း တန်းဟက်က ဆက်လက်ပြောဆိုလိုက်သည်။ “အနီကတ် ဒဏ်ရာပြဿနာကို ဒီနေ့ပွဲမှာ မကြုံလိုက်ရဘူး။ မန်ယူမှာ ကစားသမားအင်အားတောင့်တင်းပေမယ့် ပွဲပယ် ဒဏ်ရာကြောင့် ကစားသမားအင်အားလျော့နည်းရတာကိုတော့ မဖြစ်စေချင်ပါဘူး”ဟု ဆက်လက်ပြောဆိုလိုက်သည်။

မန်ယူသည် ပြိုင်ပွဲစုံ ၃၂ ပွဲအနိုင်ရရှိထားပြီး ဥရောပလိဂ် ၅ ခုတွင်ပါဝင်ကစားနေသော အသင်းများအနက် အနိုင်ပွဲအများဆုံးရရှိထားသော အသင်းအဖြစ်မှတ်တမ်းဝင်နေသလို ဂိုးမပေးရသော ပွဲစဉ် ၂၁ ပွဲရှိပြီး ၎င်းထက်သာသော အသင်းဆို၍ ၂၂ ပွဲဂိုးမပေးရသော ဘာစီလိုနာတစ်သင်းသာရှိသည်။

မန်ယူသည် ဘက်တစ်နှင့်ပွဲစဉ် ပထမပိုင်းတွင် ဂိုးကန်သွင်းမှုတစ်ကြိမ်မျှ မပြုလုပ်နိုင်ခဲ့ဘဲ ရုန်းကန်ခဲ့ရသည်။ ဒုတိယပိုင်းတွင် ရက်ရှ်ဖို့က ဂိုးသွင်းနိုင်ပြီးနောက် အသင်းမှာလည်း ခြေစွမ်းပြနိုင်ခဲ့သည်။ ရက်ရှ်ဖို့သည် ဘက်တစ်နှင့် ဒုတိယအကျော့တွင် ဂိုးသွင်းပြီးနောက် ယခုနှစ်အတွက် ပြိုင်ပွဲစုံ ၂၇ ဂိုးသွင်းယူနိုင်ခြင်းအဖြစ်လည်း မှတ်တမ်းဝင်သွားသည်။

မန်ယူသည် လာမည့်တနင်္ဂနွေနေ့တွင် ဖူလ်ဟမ်နှင့် အက်ဖ်အေဖလားကွာတားဖိုင်နယ်ပွဲစဉ်ကို ကစားရန်ရှိနေပြီး မက်ဂွိုင်းယားသည် ထိုပွဲတွင်လည်း ပွဲထွက်ကစားသမားအဖြစ် ပါဝင်ခွင့်ရဖွယ်ရှိကြောင်း သတင်းများထွက်ပေါ်နေသည်။ မက်ဂွိုင်းယားကလည်း ပွဲကစားခွင့်ပိုမိုရရှိရန် လိုလားနေကြောင်း သတင်းများက ဆက်လက်ဖော်ပြသည်။

မန်ယူသည် မနေ့ညကပွဲစဉ်တွင် ဘက်တစ်ကို အနိုင်ရရှိပြီးနောက် ဥရောပပြိုင်ပွဲများတွင် စပိန်ကလပ်အသင်းများနှင့် နောက်ဆုံးကစားသည့် အဝေးကွင်းပွဲစဉ် ၇ ပွဲတွင် ၅ ပွဲနိုင်ပြီး ၂ ပွဲသရေကျထားသည်။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Advertismentspot_img

Instagram

Most Popular