စပါးအသင်းသည် ဗာတွန်ဂန် ထွက်ခွာသွားသည့် ဗဟိုခံစစ်နေရာကို အားဖြည့်ရန် ကြိုးစားနေခြင်းဖြစ်ပြီး အင်တာမီလန်နောက်ခံလူ ရှကရီညာမှာ အဓိကပစ်မှတ်ဖြစ်နေသည်။
စပါးအသင်းသည် အင်တာမီလန်နောက်ခံလူ ရှကရီညာအား ခေါ်ယူရန် ကြိုးစားနေဆဲဖြစ်ပြီး ၎င်းအား ခေါ်ယူရန် အဆင်မပြေဖြစ်ခဲ့လျှင် အစားထိုးပစ်မှတ်အဖြစ် ချယ်လ်ဆီးနောက်ခံလူ ရူဒီဂါကို သတ်မှတ်ထားကြောင်း နာမည်ကျော်ဂျာနယ်လစ် ဖာဘရီဇီယိုရိုမာနိုက ဖော်ပြခဲ့သည်။
စပါးအသင်းသည် ဗာတွန်ဂန် ထွက်ခွာသွားသည့် ဗဟိုခံစစ်နေရာကို အားဖြည့်ရန် ကြိုးစားနေခြင်းဖြစ်ပြီး အင်တာမီလန်နောက်ခံလူ ရှကရီညာမှာ အဓိကပစ်မှတ်ဖြစ်နေသည်။
ရှကရီညာသည် ပြီးခဲ့သည့်ရာသီနှောင်းပိုင်းက စည်းကမ်းပိုင်းပြဿနာတချို့ ပေါ်ပေါက်ခဲ့ပြီးနောက် ပွဲထွက်လူစာရင်းမှ မကြာခဏ ချန်လှပ်ခြင်း ခံနေရပြီး ကွန်တီသည် ၎င်းအား ရောင်းချရန် ဆန္ဒရှိနေသည်။
အင်တာမီလန်အသင်းသည် ရှကရီညာအတွက် Add-ons ကြေးများအပါအဝင် ယူရိုသန်း(၆၀)အလိုရှိနေပြီး စပါးအသင်း၏ အစောပိုင်းကမ်းလှမ်းမှုများမှာ အဆိုပါပမာဏကို မပြည့်မီကြောင်း သိရသည်။စပါးအသင်းနှင့် အင်တာမီလန်အသင်းတို့သည် ရှကရီညာအတွက် ပြောင်းရွှေ့ကြေး ဆက်လက်ညှိနှိုင်းနေဆဲဖြစ်သည်။
စပါးအသင်းသည် ရှကရီညာကို ခေါ်ယူရန် အဆင်မပြေဖြစ်ခဲ့ပါက ချယ်လ်ဆီးနောက်ခံလူ ရူဒီဂါကို ပြောင်းလဲကြိုးပမ်းသွားမည်ဖြစ်သည်ဟု ဖာဘရီဇီယိုရိုမာနိုက ဖော်ပြခဲ့သည်။
