ဘာစီလိုနာ အသင်း ရဲ့ ဒါရိုက်တာဟောင်း ဖြစ်သူ ဂျာဗီးယား ဘော်ဒက်စ်က ကတ်တလန် အခြေစိုက် ကလပ်ဟာ 2019 တုန်းက အားလင်း ဟားလန်းကို ခေါ်ယူ နိုင်ခွင့် ရှိခဲ့ပေမယ့် အခွင့်အရေး ရှိခဲ့ပေမယ့် လက်လွှတ် ခဲ့ကြောင်း ထုတ်ဖော် ပြောကြားလိုက် ပါတယ် ။
အဆိုပါ အချိန် တုန်းက ဘာစီလိုနာ အသင်းဟာ လူးဝစ် ဆွာရက်ဇ် ရဲ့ အရံလူ အဖြစ် တိုက်စစ်မှူးသစ် တစ်ဦးကို ခေါ်ယူ ချင်ခဲ့ ပြီး ဟားလန်းကို နံပါတ် တစ် ဦးစားပေး အဖြစ် သတ်မှတ်ထားခဲ့ဲ ပါတယ် ။ ဒါပေမယ့် အဆုံးသတ် မှာတော့ ကယ်ဗင် ပရင့်စ် ဘိုတန် နဲ့သာ ကျေနပ် ခဲ့လိုက်ရ ပါတယ် ။
အခုတော့ ဒါရိုက်တာဟောင်း တစ်ဦး ဖြစ်တဲ့ ဘော်ဒက်စ် က ဘာစီလိုနာ အသင်းဟာ ဟားလန်းကို ခေါ်ယူ နိုင်ခွင့် ရှိနေခဲ့ ပေမယ့် 2019 ခုနှစ် တုန်းက သူ့ကို ဘာကြောင့် မခေါ်ယူ ဖြစ်ခဲ့တာလဲ ဆိုတဲ့ နောက်ကွယ်က အကြောင်းအရင်း အမှန် ကို ရှင်းပြ သွားခဲ့လိုက် ပါတယ် ။
” သူတို့ တွေက ဟားလန်းဟာ ဘာစီလိုနာ အသင်းရဲ့ ကစားသမားမျိုး မဖြစ် နိုင်ဘူးလို့ ကျွန်တော့်ကို ပြောဆို ခဲ့ကြ ပါတယ် ။ ဘာတိုမြူ က အသင်း ရဲ့ နည်းစနစ်ပိုင်း နဲ့ ကစားသမား တို့ဟာ အံဝင်နိုင်မှာ မဟုတ်တဲ့ အကြောင်းကို ပြောဆို ချင်ခဲ့တာ ကျွန်တော် နားလည်နိုင်ပါတယ် ”
” ဒါပေမယ့် အမှန်တရား တစ်ခု ကတော့ ဒီလို ကစားသမားတွေ ဆိုတာ အသင်းကို ရောက်လာ ကြမယ် ဆိုရက် ဘယ်လို စွမ်းဆောင်ရည် တွေကို ပြသ နိုင်မလဲ ဆိုတာကို ကျွန်တော်တို့တွေ ကြိုတင် ခန်မှန်းလို့ မရနိုင်တာ ပါပဲ ” လို့ ဘော်ဒက်စ် က ထုတ်ဖော် ပြောကြား သွားခဲ့လိုက် ပါတယ် ။
ဒါ့အပြင် ဘာစီလိုနာ အသင်းဟာ 2017 ခုနှစ် တုန်းက နေမာရဲ့ နေရာကို အစားထိုးဖို့ အတွက် ဒေါ့မွန် အသင်းမှ အူစမာနီ ဒမ်ဘီလီကို ခေါ်ယူ ခဲ့စဉ် တုန်းကလည်း ကိုင်လီယံ အမ်ဘာပေ ကို ခေါ်ယူ နိုင်ဖို့ အတွက် အခွင့်အလမ်း ကောင်းတွေ ပိုင်ဆိုင် နိုင်ခဲ့ သေးကြောင်း ဘော်ဒက်စ် က ဆက်လက် ပြောကြား ခဲ့လိုက် ပါတယ် ။
“ ကျွန်တော် တို့ ဒမ်ဘီလီ ကို ခေါ်ယူဖို့ လုပ်ဆောင်နေတဲ့ အချိန်မှာ အေးဂျင့် ဂျိုးဆက် မာရီယာ မင်ဂွယ်လာ က ဒီလို ဈေးနှုန်းမျိုး နဲ့ ဆိုရင် အမ် ဘာပေ ကိုလဲ ခေါ်ယူလို့ ရတဲ့ အကြောင်း အသိပေး လာခဲ့ပါတယ်။ ကျွန်တော်လည်း ဥက္ကဌ ဘာတိုမြူဆီ တိုက်ရိုတ် အစီရင်ခံပြီး ၊ ဘာပေ ကိုလဲ သုံးသပ်သင့်တဲ့ အကြောင်း အကြံ ပေးခဲ့ပါတယ် ”
” ကျွန်တော် ကိုယ်တိုင် အမ်ဘာပေ ရဲ့ ဖခင်ထံ တိုက်ရိုတ် ဖုန်းခေါ်ကြည့်တော့ ၊ သူ့သားဟာ ရီးရဲ မက်ဒရစ် ကိုတော့ ပြောင်းမှာ မဟုတ်ဘူးဆိုတဲ့ အချက်ကို အခိုင်အမာ ကြားခဲ့ရပါတယ်။ ဘာလို့လဲ ဆိုတော့ ရိုနာဒို ၊ ဘေးလ် နဲ့ ဘန်ဇီးမား တို့ ရှိနေတဲ့ အတွက်ကြောင့်လေ ။ ပြီးတော့ နေမာ ထွက်ခွာသွားတဲ့ နေရာအတွက်လဲ စိတ်ဝင်စားကြောင်း ပြောခဲ့ပါတယ် ”
” မိုနာကို ဥက္ကဌ ကလည်း မဟာပြိုင်ဘက် ပီအက်စ်ဂျီ အသင်းဆီ ရောင်းချရမှာ နဲ့ စာရင် ဘာစီလိုနာ ဆီကိုပဲ ရောင်းချ ချင်နေတာပါ။ သူ့အတွက် ယူရို သန်း 100 ရရင် ကျေနပ်နေပါပြီ။ အဲဒီ အချိန်မှာ အားကစား ဒါရိုတ်တာ တာဝန်ယူထားတဲ့ ရော်ဘတ် ဖာနန်ဒက် က ဒမ်ဘီလီ ကိုပဲ တန်းတန်းစွဲ ဖြစ်နေတယ်ဗျ။ သူ့ရဲ့ အဆိုကို ပက် ဆီဂူရာ ကလဲ ထောက်ခံနေပြန်တယ်လေ ”
” သူတို့ ထောက်ပြတဲ့ အချက်က ဘာပေဟာ တစ်ကိုယ်ကောင်း အတွက်ပဲ ကစားတယ် ၊ ဒမ်ဘီလီ ကတော့ အသင်းအတွက်ပဲ ဦးတည် ကစားတယ် ဆိုတဲ့ အချက်နဲ့ အားသာသွားခဲ့တာပါ။ ပြီးတော့ နေမာ ရဲ့ နေရာကို အစားထိုးရမှာ ဆိုတော့ ဂိုးသွင်းပေးမယ့်သူထက် ၊ တောင်ပံနေရာမှာ ကစားနိုင်တဲ့သူကိုပဲ ပိုလိုချင်နေကြတာပေါ့” လို့ လို့ ဘော်ဒက်စ် က ဖွင့်ဟ ပြောကြား ခဲ့လိုက် ပါတယ် ။
