ဟာဇက်အပါအဝင် ကစားသမား(၃)ဦးရောင်းချ၍ ဘာပေကိုခေါ်ယူရန် ရီးယဲလ်အသင်း ငွေရှာသွားဖွယ်ရှိ

ရီးယဲလ်အသင်းသည် PSG အသင်းကြယ်ပွင့်တိုက်စစ်ကစားသမား ဘာပေကို ခေါ်ယူရန် အသင်းမှ ကစားသမား (၃)ဦးရောင်းချ၍ ငွေကြေးရှာဖွေသွားဖွယ်ရှိကြောင်း သိရသည်။

လက်ရှိအချိန်တွင် ဘာပေသည် PSG အသင်း မှ ထွက်ခွာရန် ဆန္ဒမရှိသေးသော်လည်း ရီးယဲလ်အသင်းသည် လာမည့်နွေရာသီအပြောင်းအရွှေ့ကာလတွင် အားစိုက်ကြိုးပမ်းသွားဖွယ်ရှိနေသည်။

myan789

ဘာပေကို ခေါ်ယူနိုင်ရန်အတွက် ရီးယဲလ်အသင်းသည် ပြောင်းရွှေ့ကြေးအများအပြား သုံးစွဲရမည်ဖြစ်သလို၊ မြင့်မားသည့်လစာငွေလည်း ပေးချေရဖွယ်ရှိနေသည်။

ထို့ကြောင့် ရီးယဲလ်အသင်းသည် ပရီးမီးယားလိဂ်အသင်းများ စိတ်ဝင်စားနေသည့် အသင်းမှကစားသမားများကို ရောင်းထုတ်၍ ငွေရှာရန်စီစဉ်နေခြင်းဖြစ်သည်။

အာဆင်နယ်၊ စပါးနှင့် ချယ်လ်ဆီးအသင်းများသည် ရီးယဲလ်အသင်းမှ ကစားသမားအချို့ကို စိတ်ဝင်စားနေပြီး အဆိုပါကစားသမားများမှာ တောင်ပံကစားသမားများဖြစ်သည့် ရိုဒရီဂိုနှင့် ဟာဇက်၊ တိုက်စစ်မှူး ယိုဗစ်တို့ဖြစ်ကြောင်း သိရသည်။

ရိုဒရီဂိုသည် လက်ရှိရာသီတွင် ရီးယဲလ်အသင်းအတွက် (၆)ပွဲသာကစားထားရပြီး ၎င်းကိုခေါ်ယူရန် စပါးအသင်း စိတ်ဝင်စားနေကြောင်း သိရသည်။

ထို့ပြင် ၂၀၁၉ ခုနှစ်၊ နွေရာသီအပြောင်းအရွှေ့ကာလတွင် ချယ်လ်ဆီးအသင်းမှ ရီးယဲလ်အသင်းသို့ ပြောင်းရွှေ့လာပြီး ခြေစွမ်းမပြနိုင်သည့် ဟာဇက်ကို ခေါ်ယူရန် အသင်းဟောင်း ချယ်လ်ဆီးအသင်းက စိတ်ဝင်စားနေကြောင်း သတင်းများထွက်ပေါ်နေသည်။

ဟာဇက်နှင့်အတူ ရီးယဲလ်အသင်းသို့ ရောက်ရှိလာပြီး ပုံမှန်နေရာရရှိရန်ရုန်းကန်နေရသူ တိုက်စစ်မှူး ယိုဗစ်သည် ဘာပေအပြောင်းအရွှေ့ကြောင့် ရီးယဲလ်အသင်းမှ ထွက်ခွာရရန် ဖြစ်နိုင်ခြေအများဆုံးကစားသမားဖြစ်ကြောင်း စပိန်မီဒီယာများက သုံးသပ်နေကြသည်။

အသက် (၂၄)နှစ်အရွယ်တိုက်စစ်မှူး ယိုဗစ်ကို ခေါ်ယူရန် အာဆင်နယ်အသင်းကလည်း စိတ်ဝင်စားနေကြောင်း သိရသည်။

ဘာပေကမူ လက်ရှိရာသီကုန်ဆုံးချိန်အထိ PSG အသင်း တွင် ကစားသွားရန် သေချာသလောက်ရှိနေပြီး အကယ်၍ ဘာပေကို လက်လွှတ်ရပါက PSG အသင်းသည် မန်ယူအသင်းမှ စီရော်နယ်လ်ဒိုအား ခေါ်ယူသွားရန်ပစ်မှတ်ထားနေကြောင်း ကောလာဟလများ ထွက်ပေါ်နေသည်။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Myanmar
534,671
Total confirmed cases
Updated on January 28, 2022 11:27 am
Advertisment

Instagram

Most Popular

စပါးအသင်း၏ ကမ်းလှမ်းမှုအာ...

ဝုလ်ဗ်အသင်းမှ စပိန်တောင်...

အာဖရိကရွှေ့ပြောင်းလုပ်သား...

ကမ္ဘာ့ဘောလုံးအဖွဲ့ချုပ် ...

လူကာကူ၏ အင်တာဗျူးပြဿနာနော...

ချယ်လ်ဆီးအသင်း၏ နည်းပြဖြ...