လီဗာပူးလ်အသင်းသည် ဘိုင်ယန်မြူးနစ်အသင်းမှ စပိန်ကွင်းလယ်ကစားသမား သီယာဂိုအယ်လ်ကန်တာရာကို ကြာသပတေးနေ့က တရားဝင်ကမ်းလှမ်းမှု စတင်ပြုလုပ်ခဲ့ကြောင့် ဂျာမန်သတင်းစာ Bild က ဖော်ပြခဲ့သည်။
သီယာဂိုသည် ဘိုင်ယန်မြူးနစ်အသင်းနှင့် စာချုပ်သက်တမ်း နောက်ဆုံးနှစ်သို့ ရောက်ရှိနေပြီဖြစ်ပြီး အသင်းပြောင်းရွှေ့ရန် ဆန္ဒရှိနေသူဖြစ်သည်။
ဘိုင်ယန်မြူး နစ်အသင်းက ပေါင်(၂၇)သန်းဝန်းကျင် ရရှိလျှင် ရောင်းချဖွယ်ရှိသော်လည်း လီဗာပူးလ်အသင်း၏ ပထမဆုံးကမ်းလှမ်းမှုမှာ ပေါင်သန်း(၂၀)ဝန်းကျင်သာ ဖြစ်ကြောင်းလည်း သိရသည်။
အသက် (၂၉)နှစ်အရွယ်ရှိ သီယာဂိုသည် ဘာစီလိုနာအကယ်ဒမီထွက် ကစားသမားတစ်ဦးဖြစ်ပြီး ၂၀၁၃ ခုနှစ်တွင် ဘာစီလိုနာအသင်းမှ ဘိုင်ယန်မြူးနစ်အသင်းထံသို့ ပေါင် (၂၁.၆)သန်း ပြောင်းရွှေ့လာခဲ့သူဖြစ်သည်။
သီယာဂိုသည် ဘိုင်ယန်မြူးနစ်အသင်းတွင် (၇)ရာသီအတွင်း ပြိုင်ပွဲစုံ (၂၃၂)ပွဲ ကစားထားပြီး (၃၁)ဂိုး သွင်းယူပေးထားသည်။
