မန်ယူအသင်းသည် အင်္ဂလန်နောက်ခံလူ လုခ်ရှော(၂၇ နှစ်)ကို (၄)နှစ်သက်တမ်းတိုးရန် သဘောတူညီမှုရရှိခဲ့ပြီဖြစ်ကြောင်း သိရသည်။
လုခ်ရှောသည် ၂၀၁၄ ခုနှစ်ကတည်းက ဆောက်သမ်တန်အသင်းမှ မန်ယူသို့ ရောက်ရှိခဲ့သူဖြစ်ပြီး (၉)ရာသီအတွင်း ခြေစွမ်းပိုင်းနိမ့်မြင့်တက်ကျများစွာရှိခဲ့သည်။
၎င်း၏ လက်ရှိစာချုပ်မှာ ၂၀၂၃-၂၄ ရာသီကုန်တွင် ကုန်ဆုံးမည်ဖြစ်ပြီး ယခုရာသီ၌ ခြေစွမ်းပြနိုင်နေသည့်အတွက် မန်ယူအသင်းက သက်တမ်းတိုးရန် ဆုံးဖြတ်ခဲ့ခြင်းဖြစ်ကြောင်း သိရသည်။
မန်ယူအသင်းနှင့် လုခ်ရှော၏ စာချုပ်သစ်ချုပ်ဆိုမှုကို ယခုလအတွင်း ပြုလုပ်မည်ဖြစ်ပြီး လက်ရှိရာသီတွင် ၎င်းသည် ပရီးမီးယားလိဂ်၏ အကောင်းဆုံးဘယ်နောက်ခံလူတစ်ဦးဖြစ်သည်ဟု ချီးကျူးမှုများလည်း ရှိခဲ့သည်။
