လိုက်ပ်ဇစ်နှင့်ပွဲ၌ Double Hat-trick ရယူလိုခဲ့ဟု ဟော်လန်း ဝန်ခံခဲ့ပြီး (၂၂)နှစ်ဖြင့် ယင်းစံချိန်ရလျှင် ပျင်းစရာကောင်းမည်ဟု ဂွါဒီယိုလာ နောက်ပြောင်

လိုက်ပ်ဇစ်အသင်းအား (၇-ဝ) ဂိုးဖြင့် အနိုင်ရသည့်ပွဲ၌ တစ်ဦးတည်း (၅)ဂိုးသွင်းယူခဲ့သည့် မန်စီးတီးတိုက်စစ်မှူး ဟော်လန်းက မိမိအနေဖြင့် Double Hat-trick (ဟက်ထရစ် ၂ ကြိမ်)ရယူလိုခဲ့ကြောင်းဝန်ခံခဲ့ပြီး မန်စီးတီးနည်းပြ ဂွါဒီယိုလာကမူ ဟော်လန်းအနေဖြင့် အသက် (၂၂)နှစ်အရွယ်ဖြင့် ယင်းစံချိန်ရလျှင် ပျင်းစရာကောင်းလိမ့်မည်ဟု ပွဲအပြီး နောက်ပြောင်ပြောကြားခဲ့သည်။

ပြီးခဲ့သည့်အင်္ဂါနေ့က ကစားခဲ့သည့် ချန်ပီယံလိဂ်ရှုံးထွက်(၁၆)သင်းအဆင့် ဒုကျော့ပွဲစဉ် မန်စီးတီး (၇-ဝ) လိုက်ပ်ဇစ်ပွဲ၌ ပွဲချိန် (၅၇)မိနစ်မှာပင် (၅) ဂိုးသွင်းယူနိုင်ခဲ့ပြီး Double Hat-trick ရရန်နီးစပ်ခဲ့သော်လည်း ပွဲချိန်  (၆၃)မိနစ်တွင် အယ်လ်ဗာရက်ဇ်နှင့် လူစားလဲခံခဲ့ရသည်။

myan789

ယင်းအချက်နှင့် ပတ်သက်ပြီး ဟော်လန်းက “လူစားလဲခံရချိန်မှာ ကျွန်တော် Double Hat-trick သွင်းချင်တာလေ။ အခု ဘယ်လိုလုပ်ရမလဲလို့ သူ့(ဂွါဒီယိုလာ)ကို ကျွန်တော် ပြောခဲ့ပါတယ်” ဟု ပြောကြားခဲ့သည်။

ဟော်လန်းကို လူစားလဲခြင်းနှင့် ပတ်သက်ပြီး ပွဲအပြီးတွင် ဂွါဒီယိုလာက “အသက် (၂၂) နှစ်၊ (၂၃) နှစ်နဲ့ အဲဒီစံချိန်(Double Hat-trick)ကို ရခဲ့မယ်ဆိုရင် သူ့အတွက် ပျင်းစရာ ကောင်းသွားပါလိမ့်မယ်။ အခုဆို သူ့ အနေနဲ့ နောက်ပွဲတွေမှာ Double Hat-trick သွင်းဖို့အတွက် သူပစ်မှတ်ထားနေလောက်ပါပြီ။ ဒါကြောင့် ကျွန်တော့်အနေနဲ့ သူ့ကို လူစားလဲခဲ့တာပါ။ ဒီပွဲမှာ သူ ဘောလုံးထိချက် (၃၅) လောက်ရှိခဲ့ပြီး ဒါက ကောင်းပါတယ်”ဟု ပြောကြားခဲ့သည်။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Advertismentspot_img

Instagram

Most Popular