လိဒ်စ်နှင့်ပွဲတွင် ရရှိခဲ့သည့် လီဗာပူးလ်လူငယ်ကြယ်ပွင့် အဲလိယတ်၏ ခြေချင်းဝတ်ဒဏ်ရာ ပြင်းထန်ပြီး ခွဲစိတ်ကုသမှုပြုလုပ်ရမည်

လိဒ်စ်အသင်းနှင့်ပွဲတွင် ဒဏ်ရာရရှိခဲ့သည့် လီဗာပူးလ်လူငယ် ကြယ်ပွင့်ကစားသမား ဟာဗေးအဲလိယတ်၏ ခြေချင်းဝတ်ဒဏ်ရာမှာ ပြင်းထန်ပြီး ခွဲစိတ်ကုသမှု ပြုလုပ်ရမည်ဖြစ်ကြောင်း သိရသည်။

အသက် (၁၈) နှစ်သာရှိသေးသည့် အင်္ဂလန်လူငယ်ကွင်းလယ်ကစားသမား အဲလိယတ်သည် တနင်္ဂနွေနေ့က လိဒ်စ်အသင်းနှင့် ကစားသည့်ပွဲတွင် ပြိုင်ဘက်ကစားသမား စထရူယစ်နှင့်ထိခိုက်မိရာမှ ဝဲဘက်ခြေချင်းဝတ်ဒဏ်ရာ ပြင်းထန်စွာရရှိခဲ့ခြင်းဖြစ် ပြီး (၆၃) မိနစ်တွင် လူစားလဲခဲ့ရသည်။

myan789

၎င်းအား ထမ်းစင်ဖြင့် သယ်ထုတ်သွားရပြီး ဆေးရုံသို့ ပို့ဆောင်စစ်ဆေးရာ ညပိုင်းတွင် ပြန်ဆင်းခွင့်ရခဲ့သော်လည်း လာမည့်ရက်ပိုင်းအတွင်း ခွဲစိတ်ကုသရမည်ဖြစ်ကြောင်း လီဗာပူးလ်အသင်းက အတည်ပြုထုတ်ပြန်ခဲ့သည်။

လီဗာပူးလ်နည်းပြ ယာဂန်ကလော့ပ်ကလည်း ”အဲလိယတ်က ဆေးရုံမှာပါ။ ဆိုးရွားတဲ့ ခြေချင်းဝတ်ဒဏ်ရာဆိုတာ သေချာပါတယ်။ ပုံစံကြည့်ရတာတော့ အဆစ်လွဲသွားတဲ့ပုံပါပဲ။ ဒါက သူ့အတွက်ရော ကျွန်aတာ်တို့အတွက်ပါ ရှော့ခ်ရစေပါတယ်။ အရမ်းနာနေတယ်ဆိုတာကလွဲပြီး ကျွန်တော်တို့ ပိုမသိရသေးပါဘူး။ စောင့်ရပါဦးမယ်။ ဒါက အသက် (၁၈) နှစ်အရွယ် လူငယ်တစ်ယောက်အတွက် အရမ်းပြင်းထန်တဲ့ဒဏ်ရာ ဆိုတာ သေချာပါတယ်။ ပြိုင်ဘက်ကစားသမားရဲ့ အနီကတ်က အရေးမကြီးပါဘူး။ အဲဒါက ကျွန်တော့်အလုပ်မဟုတ်ပါဘူး။ သူပြန်ကစားနိုင်မယ့်အချိန်ကို စောင့်နေမှာပါ” ဟု သုံးသပ်ပြောကြားခဲ့သည်။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Advertismentspot_img

Instagram

Most Popular