စပါး – ချယ်လ်ဆီး (မြန်မာစံတော်ချိန် စက်တင်ဘာ ၃၀ ရက် နံနက် ၁း၁၅ နာရီ)
စပါးအသင်းသမိုင်းမှာ နောက်ဆုံးအောင်မြင်မှုက ၂၀၀၈ ခုနှစ်မှာ လိဂ်ဖလားဖြစ်ခဲ့ပေမယ့် နောက်ပိုင်းနှစ်တွေမှာ ဒီပြိုင်ပွဲကို သိပ်အာရုံစိုက်လေ့မရှိပါဘူး။
နောက်ဆုံး(၅)နှစ်အတွင်းမှာလည်း ၂၀၁၈-၁၉ ရာသီကလွဲလို့ ကျန်နှစ်တွေမှာ အမြင့်ဆုံးစတုတ္ထအဆင့်ပဲ ရောက်ခဲ့တယ်။
ဒါပေမဲ့ လက်ရှိစပါးအသင်းနည်းပြ မော်ရင်ဟိုက လိဂ်ဖလားမှာ အစဉ်အလာရှိတဲ့နည်းပြဖြစ်ပြီး အလေးထားယှဉ်ပြိုင်တတ်ပါတယ်။
အပြောင်းအရွှေ့စျေးကွက်မှာ ချယ်လ်ဆီးက ထင်တိုင်းကြဲခဲ့ပေမယ့် ရာသီအစရလဒ်ပိုင်းကတော့ မျှော်လင့်ထားသလို ဖြစ်မလာသေးဘူး။
နည်းပြ လမ်းပတ်လည်း ဖိအားရှိနေပြီး စပါးထက် ချယ်လ်ဆီး လူစုံပိုထုတ်နိုင်ပေမယ့် မော်ရင်ဟိုကြောင့် စပါးကိုပဲ ရွေးချယ်ချင်တယ်။
