ဆော်ဒီကလပ် အယ်လ်ဟီလာအသင်းသည် PSG အသင်းမှ ၀ါရင့်စပိန်နောက်ခံလူ ရာမို့စ်ကို လက်ရှိအသင်းတွင် ရရှိနေသည့် လစာ၏ (၃)ဆပေး၍ ကမ်းလှမ်းလိုက်ကြောင်း သိရသည်။
L’Equipe သတင်းစာ၏ အဆိုအရ ရာမို့စ်သည် PSG အသင်းတွင် တစ်နှစ် ယူရို (၁၀)သန်းဝန်းကျင် ရရှိနေကြောင်း သိရသည်။
ယခုအခါ အယ်လ်ဟီလာအသင်းက ရာမို့စ်အား တစ်နှစ် ယူရိုသန်း (၃၀)နှုန်းဖြင့် (၃)နှစ်စာချုပ်ချုပ်ဆိုရန် ကမ်းလှမ်းခဲ့ခြင်းဖြစ်ကြောင်း သိရသည်။
ရာမို့စ်(၃၇ နှစ်)သည် လာမည့်နွေရာသီတွင် PSG အသင်းနှင့် စာချုပ်သက်တမ်းကုန်ဆုံးမည်ဖြစ်ပြီး PSG အသင်းက ၎င်းကို သက်တမ်းတိုးစာချုပ် ထပ်မံချုပ်ဆိုရန် ဆန္ဒရှိနေကြောင်းလည်း သိရသည်။
