ဘယ်လ်ဂျီယံအသင်း၏ ကွင်းလယ်ကစားသမား ဒီဘရိုင်းနားက အင်္ဂလန်အသင်းသည် လာမည့် ယူရို-၂၀၂၀ နှင့် ၂၀၂၂ ကမ္ဘာ့ဖလားပြိုင်ပွဲများတွင် ဗိုလ်စွဲနိုင်သည်ဟု သုံးသပ်ပြောကြားခဲ့သည်။
ဒီဘရိုင်းနားက အင်္ဂလန်အသင်းနှင့် Nations League ပွဲစဉ် ယှဉ်ပြိုင်မကစားမီ ယင်းကဲ့သို့ သုံးသပ်ခဲ့ခြင်းဖြစ်ပြီး ယင်းပွဲတွင် အင်္ဂလန်အသင်းက အနိုင်ရရှိခဲ့သည်။
![](https://sportsmyan.com/wp-content/uploads/2020/10/England-25-1024x536.jpg)
ယင်းနိုင်ပွဲကြောင့် အင်္ဂလန်အသင်းသည် အုပ်စုပထမနေရာကို ရယူနိုင်ခဲ့ပြီး ဆီမီးဖိုင်နယ်တက်ရောက်နိုင်ရန် မျှော်လင့်ချက်ပိုရှိသွားခဲ့သည်။
ဒီဘရိုင်းနားက ”သူတို့က အလွန်စိတ်လှုပ်ရှားစရာကောင်းပါတယ်။ အရည်အသွေးပြည့်ဝတဲ့ လူငယ်ကစားသမားအများအပြားကို ပိုင်ဆိုင်ထားတာပါ။ သူတို့အနေနဲ့ လာမယ့် ယူရိုနဲ့ ကမ္ဘာ့ဖလားချန်ပီယံဆုတွေကို ချိန်ရွယ်နိုင်စွမ်းရှိပါတယ်”ဟု ပြောကြားခဲ့သည်။
ဘယ်လ်ဂျီယံနည်းပြ မာတီနက်ဇ်ကလည်း ဆောက်ဂိတ်၏ ဦးဆောင်မှုအောက်တွင် အင်္ဂလန်အသင်း အောင်မြင်မှုရရှိနိုင်သည်ဟု ထောက်ခံပြောကြားခဲ့သည်။