ချယ်လ်ဆီးအသင်း၏ တိုက်စစ်မှူးဟောင်းနှင့် ယူကရိန်းလက်ရွေးစင်နည်းပြဟောင်း ရှက်ဗ်ချင်ကိုက လက်ရှိ ချယ်လ်ဆီးအသင်းမှ ယူကရိန်းတိုက်စစ်ကစားသမား မူဒရစ်သည် အနာဂတ်အတွက်ဖြစ်ကြောင်း ကာကွယ်ပြောကြားခဲ့သည်။
မူဒရစ်(၂၂ နှစ်)သည် ပြီးခဲ့သည့်ဇန်နဝါရီတွင် ချယ်လ်ဆီးအသင်းထံ ယူရိုသန်း(၁၀၀)အထိမြင့်တက်နိုင်သည့် ပြောင်းရွှေ့ကြေးဖြင့် ပြောင်းရွှေ့လာခဲ့သူဖြစ်သော်လည်း ခြေစွမ်းပြနိုင်ရန် ရုန်းကန်နေရပြီး အသင်းသစ်အတွက် ဂိုးသွင်းယူပေးနိုင်ခြင်းလည်း မရှိသေးပေ။
ထို့ကြောင့် ရှက်ဗ်ချင်ကိုက “ချယ်လ်ဆီးက သူ့ကို အနာဂတ်အတွက် ရည်ရွယ်ခေါ်ယူခဲ့တာပါ။ ချယ်လ်ဆီးအသင်း အချိန်ပေးရင် သူကခြေစွမ်းပြလာနိုင်မယ့် ကစားသမားတစ်ယောက်ပါ”ဟု ပြောကြားခဲ့သည်။
