မန်ယူနည်းပြဟောင်းဆိုးလ်ရှားသည် ဗန်ဒယ်ဘိခ်အားခေါ်ယူရန် ဘယ်သောအခါမှအလိုမရှိခဲ့ဟု ESPN ဖော်ပြ

0
385

မန်ယူအသင်း၏နည်းပြဟောင်းဖြစ်သူ ဆိုးလ်ရှားသည် မန်ယူအသင်းအားကိုင်တွယ်စဉ်က ဒတ်ချ်ကွင်းလယ်လူ ဗန်ဒယ်ဘိခ်အားခေါ်ယူရန် ဘယ်သောအခါမှ ဆန္ဒမရှိခဲ့ကြောင်း ESPN သတင်းဌာနကဖော်ပြခဲ့သည်။

အသက် (၂၄)နှစ်အရွယ်ရှိ ဗန်ဒယ်ဘိခ်သည် ၂၀၂၀ နွေရာသီအပြောင်းအရွှေ့က အေဂျက်စ်အသင်းမှ မန်ယူအသင်းသို့ ပေါင် (၃၅)သန်း+ add ons ကြေးဖြင့်ပြောင်းရွှေ့လာသူဖြစ်ပြီး (၅)နှစ်စာချုပ်ချုပ်ဆိုခဲ့သည်။ ဗန်ဒယ်ဘိခ်အနေဖြင့် အေဂျက်စ်အသင်းတွင် အကောင်းဆုံးပြနိုင်ခဲ့ပြီး မန်ယူပရိသတ်များ၏ မျှော်လင့်ချက်ထားခံခဲ့ရသူဖြစ်သော်လည်း နည်းပြဆိုးလ်ရှားလက်အောက်တွင် ပွဲပုံမှန်ပွဲထွက်ခွင့်ရရန် ရုန်းကန်ခဲ့ရသူဖြစ်သည်။

myan789

ဗန်ဒယ်ဘိခ်သည် ဆိုးလ်ရှား၏လက်အောက် မန်ယူအသင်းနှင့် ပထမဆုံးရာသီတွင် ပြိုင်ပွဲစုံ (၃၆)ပွဲကစားခဲ့ရသော်လည်း ပွဲထွက်ကစားခွင့်ရသည့်ပွဲမှာ (၁၀)ပွဲသာရှိခဲ့ပြီး (၁)ဂိုးသာသွင်းယူနိုင်ခဲ့သည်အထိ ပျောက်ဆုံးခဲ့ရသူဖြစ်သည်။ ဆိုးလ်ရှား၊ ဗန်ဒယ်ဘိခ်နှင့် မန်ယူအသင်းအခြေအနေနှင့်ပတ်သက်ပြီး ESPN က ဆိုးလ်ရှားသည် မန်ယူအသင်းအားကိုင်တွယ်စဉ်က အသင်း၏ပထမပွဲထွက်ကစားသမားနေရာအတွက် ဗန်ဒယ်ဘိခ်အားခေါ်ယူရန် ဘယ်သောအခါမှ အလိုမရှိခဲ့ကြောင်းနှင့် ဗန်ဒယ်ဘိခ်မှ မန်ယူအသင်း၏ ပရိသတ်များအပေါ် လက်ပူတိုက်ချွေးသိပ်ခေါ်ယူမှုမျှသာဖြစ်ကြောင်း ဖော်ပြခဲ့ခြင်းဖြစ်သည်။

ဗန်ဒယ်ဘိခ်သည် မန်ယူအသင်းတွင် ပွဲထွက်ခွင့်ရရန်ရုန်းကန်လာရသည်နှင့်အမျှ ပုံမှန်ခြေစွမ်းပျောက်ဆုံးခဲ့ပြီး နယ်သာလန်လက်ရွေးစင်အသင်းတွင်ပါ ချန်လှပ်ခံရသည်အထိ အခြေအနေဆိုးရွားခဲ့သည်။

လက်ရှိတွင် ဆိုးလ်ရှားအနေဖြင့် မန်ယူအသင်းနှင့်လမ်းခွဲခဲ့ရပြီးဖြစ်သော်လည်း ဗန်ဒယ်ဘိလ်မှာမူ လက်ရှိနည်းပြ ရန်းစ်လက်အောက်တွင်ပါ ပွဲထွက်ခွင့်ပျောက်ဆုံးနေပြီး ယခုရာသီတွင် မန်ယူအသင်းအတွက် ပြိုင်ပွဲစုံ (၁၄)ပွဲသာကစားခွင့်ရထားသူဖြစ်သည်။

ထို့ကြောင့် မန်ယူအသင်းအနေဖြင့် လက်ရှိအချိန်တွင် ဗန်ဒယ်ဘိခ်အားရောင်းချရန် စီစဉ်နေပြီဟု သတင်းများထွက်ပေါ်နေသလို ဗန်ဒယ်ဘိခ်အနေဖြင့်လည်း ၂၀၂၂ ကမ္ဘာ့ဖလားပါဝင်ယှဉ်ပြိုင်ခွင့်ရရန်အတွက် ပုံမှန်နေရာမရသည့် မန်ယူအသင်းကို စွန့်ခွာရန် ဆန္ဒရှိနေကြောင်းသိရသည်။

LEAVE A REPLY

Please enter your comment!
Please enter your name here