EL Chiringuito ရုပ်သံအစီအစဉ်၏ ဖော်ပြမှုအရ သောကြာနေ့ ညပိုင်းတွင် ဂွါဒီယိုလာကို ဘာစီလိုနာမြို့၌ မြင်တွေ့ခဲ့ရပြီး ၎င်းအနေဖြင့် မက်ဆီ၏ အပြောင်းအရွှေ့အတွက် ကစားသမားအပါအဝင် အသင်းဟောင်း ဘာစီလိုနာနှင့် သွားရောက်တွေ့ဆုံ ခြင်းဖြစ်နိုင်ကြောင်း သိရသည်။
မက်ဆီသည် ဘာစီလိုနာမှ ထွက်ခွာဖြစ်ပါက မန်စီးတီးအသင်းသို့ ရောက်ရှိနိုင်ကြောင်း သတင်းများ ကျယ်ပြန့်စွာထွက်ပေါ်နေစဉ် မန်စီးတီးအသင်းနည်းပြ ဂွါဒီယိုလာက ဘာစီလိုနာမြို့သို့ သွားရောက်ခဲ့ကြောင်း သိရသည်။
EL Chiringuito ရုပ်သံအစီအစဉ်၏ ဖော်ပြမှုအရ သောကြာနေ့ ညပိုင်းတွင် ဂွါဒီယိုလာကို ဘာစီလိုနာမြို့၌ မြင်တွေ့ခဲ့ရပြီး ၎င်းအနေဖြင့် မက်ဆီ၏ အပြောင်းအရွှေ့အတွက် ကစားသမားအပါအဝင် အသင်းဟောင်း ဘာစီလိုနာနှင့် သွားရောက်တွေ့ဆုံ ခြင်းဖြစ်နိုင်ကြောင်း သိရသည်။
ဂွါဒီယိုလာနှင့် မက်ဆီသည် အောင်မြင်မှုများစွာ အတူရယူခဲ့ဖူးပြီး ဘာစီလိုနာအသင်းအား ကိုင်တွယ်သည့် ၂၀၀၈ မှ ၂၀၁၂ ခုနှစ်အထိ လေးရာသီအတွင်း လာလီဂါချန်ပီယံ သုံးကြိမ်၊ ချန်ပီယံလိဂ် နှစ်ကြိမ်၊ ဥရောပစူပါဖလား နှစ်ကြိမ်၊ ကလပ်ကမ္ဘာ့ဖလား နှစ်ကြိမ်၊ စပိန်ဘုရင့်ဖလား နှစ်ကြိမ်၊ စပိန်စူပါဖလား သုံးကြိမ် ရရှိကာ သမိုင်းဝင် ဖလားခြောက်လုံး အောင်မြင်မှုလည်း ရရှိခဲ့ဖူးသည်။ ဂွါဒီယိုလာသည် နွေရာသီအားလပ် ရက်ကာလအတွင်း မိသားစုနှင့် ရင်း နှီးသည့် မိတ်ဆွေများရှိရာ ဘာစီလိုနာသို့ အလည်အပတ်သွားရောက်ခြင်းဖြစ်ပြီး စပိန်နိုင်ငံသို့သွားရောက်ခဲ့သောကြောင့် ဗြိတိန်အစိုးရ၏ ခရီး သွားလာမှုဆိုင်ရာ သတ်မှတ်ချက်အရ အင်္ဂလန်သို့ ပြန်လည်ရောက်ရှိပါက Quarantine ၁၄ ရက်နေထိုင်ရမည်ဖြစ်သည်။
မက်ဆီကို ခေါ်ယူနိုင်ဖွယ်ရှိသည့် ကလပ်အသင်းများအနက် မန်စီးတီးအသင်းက ရေပန်းအစားဆုံးဖြစ်နေပြီး နာမည်ကြီး လောင်းကစားဒိုင်များ၏ အလေးပေးမှုအရ ၆/၄ ဖြင့် နံပါတ် ၁ အဖြစ် သတ်မှတ်ခံထားရသည်။ ၎င်း၏နောက်တွင် အင်တာမီလန်နှင့် PSG အသင်းက ၃/၁၊ ဂျူဗင်တပ်စ်အသင်းက ၄/၁၊ မန်ယူအသင်းက ၁၃/၂၊ မေဂျာလိဂ် ကလပ်များက ၁၂/၁၊ လီဗာပူးလ် အသင်းက ၁၄/၁ နှင့် လိဒ်စ်ယူနိုက်တက်အသင်းက ၂၀/၁ သတ်မှတ်ခံထားရကြောင်း သိရသည်။
