ဘီလ်ဘာအိုအား ရှုံးနိမ့်သည့်ပွဲတွင် တံကောက်ကြောဒဏ်ရာရရှိခဲ့သည့် ဘာစီလိုနာလူငယ်တိုက်စစ်မှူး အန်ဆူဖာတီ(၃)လခန့် အနားယူရဖွယ်ရှိနေ

0
60

ဘာစီလိုနာလူငယ်တိုက်စစ်မှူး အန်ဆူဖာတီသည် ဘီလ်ဘာအိုအသင်းအား ရှုံးနိမ့်သည့် စပိန်ဘုရင့်ဖလားပွဲစဉ်တွင်ရရှိခဲ့သည့် တံကောက်ကြောဒဏ်ရာကြောင့် (၃)လခန့် အနားယူရဖွယ်ရှိကြောင်း စပိန်အားကစားသတင်းစာ SPORT က ဖော်ပြခဲ့သည်။

အသက် (၁၉)နှစ်အရွယ်ရှိ အန်ဆူဖာတီသည် ပြီးခဲ့သည့် ၂၀၂၁ ခုနှစ်တွင်လည်း ဒူးဒဏ်ရာကြောင့် (၉)လအထိ အနားယူခဲ့သလို၊ ယခုရာသီတွင် အသင်းအတွက် ပြိုင်ပွဲစုံ (၁၀)ပွဲသာ ကစားခွင့်ရထားသည်။

myan789

အန်ဆူဖာတီသည် ဇန်နဝါရီ (၂၀)ရက်က ကစားခဲ့သည့် စပိန်ဘုရင့်ဖလားရှုံးထွက် (၁၆)သင်းအဆင့်ပွဲစဉ် ဘီလ်ဘာအို (၃-၂) ဘာစီလိုနာပွဲတွင် ပွဲချိန် (၆၁)မိနစ်တွင်မှ လူစားဝင်ကစားခဲ့သော်လည်း တံကောက်ကြောဒဏ်ရာ ရရှိခဲ့ခြင်းကြောင့် အချိန်ပို (၉၆)မိနစ်တွင် လူစားပြန်လဲခဲ့ရသည်။

အန်ဆူဖာတီသည် ယခုရာသီတွင် တံကောက်ကြောဒဏ်ရာ မကြာခဏရရှိလေ့ရှိပြီး အနာဂတ်တွင် ယင်းပြဿနာမျိုး မကြုံရအောင် ဆရာဝန်များက ခွဲစိတ်ရန် ညွှန်ကြားခဲ့သော်လည်း အန်ဆူဖာတီကမူ ငြင်းဆန်ခဲ့ကြောင်း သိရသည်။

အန်ဆူဖာတီသည် ပြီးခဲ့သည့် ၂၀၂၁ ခုနှစ်တွင် ဒူးဒဏ်ရာခွဲစိတ်ကုသမှုခံယူခဲ့ခြင်းကြောင့် ထပ်မံခွဲစိတ်ရန် ငြင်းဆန်ခဲ့ခြင်းဖြစ်ကြောင်းလည်း သိရသည်။

SPORT ၏ ဖော်ပြချက်အရ အန်ဆူဖာတီအနေဖြင့် အနည်းဆုံး (၂)လမှ (၃)လခန့်အထိ အနားယူရမည်ဖြစ်ပြီး မတ်လကုန်အထိ ဘာစီလိုနာအသင်းအတွက် ပြန်ကစားပေးရန်မဖြစ်နိုင်ကြောင်း သိရသည်။

LEAVE A REPLY

Please enter your comment!
Please enter your name here