မန်ယူအသင်းသည် ပြီးခဲ့သည့်ရာသီက ယူရိုပါလိဂ် ဆီမီးဖိုင်နယ်ရောက်ရှိခဲ့သောကြောင့် ပွဲစဉ် ၁ တွင် မကစားရဘဲ ယခုတစ်ပတ်မှသာ စတင်ကစားရခြင်းဖြစ်ပြီး ပဲလေ့စ် အသင်းအား အိမ်ကွင်း၌ (၁-၃) ဂိုးဖြင့် ရှုံးနိမ့်ခဲ့သည်။ ယင်းပွဲရလဒ်မှာ ပဲလေ့စ်အတွက် သမိုင်းတစ်လျှောက် ရာသီအဖွင့်နှစ်ပွဲဆက်တိုက် ပထမဆုံးအကြိမ် အနိုင်ရခြင်းဖြစ်သလို အိုးလ်ထရက်ဖို့ဒ်ကွင်း၌ နှစ်ရာသီဆက်တိုက် အနိုင်ရခြင်းမှာလည်း ပထမဆုံးအကြိမ်ဖြစ် ကြောင်း သိရသည်။
မန်ယူအသင်းသည် ၂၀၂၀-၂၀၂၁ ရာသီအတွက် ပထမဆုံးကစားရသည့်ပွဲတွင် အိမ်ကွင်းဂိုးပြတ်ရှုံးပွဲကြုံတွေ့ခဲ့ပြီး သမိုင်းတစ်လျှောက် ပထမဆုံးအကြိမ် ပဲလေ့စ်အသင်းအား အိမ်ကွင်းနှစ်ရာသီဆက်တိုက် ရှုံးနိမ့်မှုအဖြစ် မှတ်တမ်းဝင်ခဲ့ကြောင်း သိရသည်။
မန်ယူအသင်းသည် ပြီးခဲ့သည့်ရာသီက ယူရိုပါလိဂ် ဆီမီးဖိုင်နယ်ရောက်ရှိခဲ့သောကြောင့် ပွဲစဉ် ၁ တွင် မကစားရဘဲ ယခုတစ်ပတ်မှသာ စတင်ကစားရခြင်းဖြစ်ပြီး ပဲလေ့စ် အသင်းအား အိမ်ကွင်း၌ (၁-၃) ဂိုးဖြင့် ရှုံးနိမ့်ခဲ့သည်။ ယင်းပွဲရလဒ်မှာ ပဲလေ့စ်အတွက် သမိုင်းတစ်လျှောက် ရာသီအဖွင့်နှစ်ပွဲဆက်တိုက် ပထမဆုံးအကြိမ် အနိုင်ရခြင်းဖြစ်သလို အိုးလ်ထရက်ဖို့ဒ်ကွင်း၌ နှစ်ရာသီဆက်တိုက် အနိုင်ရခြင်းမှာလည်း ပထမဆုံးအကြိမ်ဖြစ် ကြောင်း သိရသည်။ မန်ယူအသင်းနည်းပြ ဆိုးလ်ရှားကမူ ရာသီကြိုကာလတွင် ပြင်ဆင်ချိန်ကောင်းစွာမရသဖြင့် ရှုံးနိမ့်ခြင်းဖြစ်သလို ရှုံးနိမ့်မှုနှင့်ထိုက်တန်ကြောင်း ဝန်ခံပြောကြားခဲ့သည်။
“ကျွန်တော်တို့အနေနဲ့ ဒီပွဲကနေ တစ်ခုခုရဖို့ မထိုက်တန်ပါဘူး။ စကတည်းက နှေးကွေးပြီးတော့ ညံ့နေတာပါ။ ကျွန်တော်တို့ ပုံစံက ရာသီကြိုကာလ အစောပိုင်းအတွက် ပြင်ဆင်နေတဲ့အသင်းလိုပါပဲ။ ပြိုင်ဘက်အသင်းက ထောင်ချောက်တွေထဲက ထွက်လာနိုင်တာကို ခင်ဗျားတွေ့မှာပါ။ သူတို့က ခြေစမ်းပွဲလေးပွဲကစားပြီးတော့ ပြင်ဆင်ခွင့်ရခဲ့သလို ဒါက ဒီရာသီမှာ သူတို့အတွက် တတိယမြောက်ပွဲပါ။ ကျွန်တော်တို့အတွက်က ပထမဆုံးပွဲဆိုတော့ ခြားနားချက်ကိုလည်း ခင်ဗျားတွေ့မှာပါ။ ကျွန်တော်တို့က ပြီးခဲ့တဲ့ တစ်ပတ်မှာ ခြေစမ်းပွဲတစ်ပွဲပဲ ကစားခဲ့ရပြီး ပြင်ဆင်ရတဲ့ကာလလည်း အရမ်းနည်းပါတယ်။ ဒီညနေမှာ ရုပ်ပိုင်းဆိုင်ရာအခြေအနေတွေကို ခင်ဗျားတွေ့မှာပါ။ သူတို့က ကျွန်တော်တို့ထက် ပိုကောင်းပြီးတော့ ပိုပြီးသန်မာနေတယ်။ ကျွန်တော်တို့ တိုးတက်လာဖို့ လိုပါတယ်။ ခပ်မြန်မြန်တိုးတက်လာဖို့ လိုနေပါတယ်။ ပထမဆုံးပွဲမှာ အကောင်းဆုံးပုံစံမရတာကိုတော့ အရမ်းအံ့အားသင့်နေလို့မရပါဘူး” ဟု ဆိုးလ်ရှားက ဆိုသည်။
Sky Sports တွင် ရုပ်သံဝေဖန်သူအဖြစ် ဆောင်ရွက်နေသည့် အသင်းခေါင်းဆောင်ဟောင်း ဂယ်ရီနဗီးလ်ကလည်း ဆန်ချိုထက် ခံစစ်အတွင်းလူတစ်ဦး ပို၍လိုအပ်ပြီး ခေါ်ယူနိုင်ခြင်းမရှိပါက ချန်ပီယံဆုစိန်ခေါ်ရန်မဖြစ်နိုင်ကြောင်း သုံးသပ်ပြောကြားခဲ့သည်။
