မန်စီးတီးနည်းပြ ဂွါဒီယိုလာက ဘောလုံးပွဲများတွင် ပရိသတ်များအား Mask မတပ်ဆင်ဘဲ မြင်တွေ့ရသည်ကို အံ့အားသင့်မိကြောင်းနှင့် Mask တပ်ဆင်ရန် လိုအပ်ကြောင်း တိုက်တွန်းပြောကြားခဲ့သည်။
ဂွါဒီယိုလာက ”အံ့အားသင့်စရာအကောင်းဆုံးက ကွင်းထဲမှာ ပရိသတ်တွေကို Mask မတပ်ဆင်ဘဲ မြင်တွေ့ရတာပါပဲ။ ကာကွယ်ဆေးထိုးတာကို ကိုယ့်စိတ်ကြိုက် ဆုံးဖြတ်နိုင်ပေမဲ့ ကိုယ့်ကိုယ်ကို၊ ကိုယ့်မိသားစုနဲ့ ကျန်တဲ့သူတွေကို ကာကွယ်ဖို့အတွက် အကောင်းဆုံးနည်းလမ်းတွေကိုတော့ လိုက်နာသင့်ပါတယ်။ ကျွန်တော်က သိပ္ပံပညာရှင်မဟုတ်သလို၊ ဆရာဝန်လည်း မဟုတ်ပါဘူး။ ဒါပေမဲ့ ကိုယ့်ထက်သိနားလည်တဲ့ သူတို့ကို ယုံကြည်ပါတယ်။ ဒါကြောင့် Mask တပ်တာ၊ လက်ဆေးတာ၊ ခပ်ခွာခွာနေတာတွေ ပြုလုပ်ကြပါ”ဟု ဆိုခဲ့သည်။
