အဲဗာတန်အသင်းသည် ပြီးခဲ့သည့်စနေနေ့က ကစားခဲ့သော ပရီးမီးယားလိဂ်ပွဲစဉ် အဲဗာတန် – ဘရိုက်တန်ပွဲ၌ (၄-၂)ဂိုးဖြင့် အနို်င်ရရှိခဲ့ရာ ရာသီအစပြိုင်ပွဲစုံ (၇)ပွဲဆက်တိုက်အနိုင်ရရှိခြင်းအဖြစ် မှတ်တမ်းဝင်ခဲ့သည်။
အဲဗာတန်အသင်းသည် ရာသီအစ ပရီးမီးယားလိဂ်ပွဲစဉ် (၄)ပွဲနှင့် လိဂ်ဖလားပွဲစဉ် (၃)ပွဲတို့တွင် နိုင်ပွဲများ ဆက်တိုက်ရယူနိုင်ခဲ့ခြင်းဖြစ်သည်။
၁၈၇၈ ခုနှစ်တွင် စတင်တည်ထောင်ခဲ့သော အဲဗာတန်အသင်းသက်တမ်းတစ်လျှောက်၌ ယင်းကဲ့သို့ရာသီအစ (၇)ပွဲဆက်တိုက်အနိုင်ရရှိသည့် စံချိန်မှတ်တမ်းကို တစ်ကြိမ်သာရယူနိုင်ခဲ့သည်။
လွန်ခဲ့သော နှစ်ပေါင်း (၁၂၆)နှစ်ဖြစ်သည့် ၁၈၉၄-၉၅ ဘောလုံးရာသီ၌ အဲဗာတန်အသင်းသည် ရာသီအစပြိုင်ပွဲစုံ (၇)ပွဲဆက်တိုက်ကို နိုင်ပွဲရယူခဲ့ဖူးခြင်းဖြစ်သည်။
အဲဗာတန်အသင်းအနေဖြင့် ပြိုင်ပွဲစုံ (၇)ပွဲဆက်တိုက် (ရာသီအစ မဟုတ်ဘဲ) အနိုင်မရသည်မှာလည်း နှစ်ပေါင်း (၃၃)နှစ်အထိ ကြာမြင့်ခဲ့ပြီဖြစ်သည်။
အဲဗာတန်အသင်းအနေဖြင့် ၁၉၈ရခုနှစ်တွင်ပြိုင်ပွဲစုံ(၇)ပွဲ ဆက်တိုက်အနိုင်ရဖူးပြီး ယခုအီတလီလူမျိုးနည်းပြ အန်ဆယ်လော့တီလက်အောက်တွင် နိုင်ပွဲဆက်မှတ်တမ်းကောင်းများ ရရှိနေခြင်းဖြစ်သည်။
