ဒီယေဂိုကော်စတာအားခေါ်ယူရန် ဆလာနီတာနာအသင်း ပစ်မှတ်ထားနေ

0
57

စီးရီးအေကလပ် ဆလာနီတာနာအသင်းသည် လက်ရှိတွင်အသင်းလက်မဲ့ဖြစ်နေသည့် စပိန်ဝါရင့်တိုက်စစ်မှူး ဒီယေဂိုကော်စတာအားခေါ်ယူရန် ပစ်မှတ်ထားနေကြောင်း အီတလီမီဒီယာများကဖော်ပြခဲ့ကြသည်။

အသက် (၃၃)နှစ်အရွယ်ရှိ စပိန်လက်ရွေးစင်တိုက်စစ်မှူး ဒီယေဂိုကော်စတာသည် ယခုဇန်နဝါရီအစောပိုင်းက ဘရာဇီးလ်ကလပ် အက်သလက်တီကိုမင်နဲရိုးအသင်းနှင့် လမ်းခွဲပြီးနောက် အသင်းလက်မဲ့ဖြစ်နေသူဖြစ်ပြီး ၎င်းအားခေါ်ယူရန်အတွက် ဥရောပကလပ်အသင်းအများအပြားက အပြိုင်အဆိုင်ပစ်မှတ်ထားနေကြောင်းသိရသည်။

myan789

လက်ရှိအချိန်တွင် ဒီယေဂိုကော်စတာအားခေါ်ယူလိုသည့် ကလပ်အသင်းများထဲ၌ ယခုရာသီစီးရီးအေအမှတ်ပေးဇယား၏ အဆင့် (၂၀)နေရာတွင်ရပ်တည်နေသော ဆလာနီတာနာအသင်းလည်းပါဝင်လာခဲ့ပြီး ၎င်းအားခေါ်ယူနိုင်ရန် ဆန္ဒပြင်းပြနေကြောင်းလည်းသိရသည်။

ဆလာနီတာနာအသင်းသည် ပြီးခဲ့သည့်နွေရာသီအပြောင်းအရွှေ့ကလည်း ဖီအိုရင်တီးနားအသင်းမှ ပြင်သစ်ဝါရင့်တိုက်စစ်မှူး ရီဘာရီ (၃၈ နှစ်)အား အလွတ်ပြောင်းရွှေ့ကြေးဖြင့်ခေါ်ယူနိုင်ခဲ့သလို လက်ရှိအချိန်တွင်လည်း နောက်ထပ်နာမည်ကျော်ကစားသမားတစ်ဦးဖြစ်သော ဒီယေဂိုကော်စတာအား ထပ်မံခေါ်ယူကာ စီးရီးအေတန်းဆင်းဇုန်မှ အလွတ်ရုန်းထွက်နိုင်ရန် မျှော်လင့်နေခြင်းလည်းဖြစ်သည်။

အက်သလက်တီကို၊ ချယ်လ်ဆီးအစရှိသည့် ဥရောပထိပ်တန်းကလပ်အသင်းများတွင်ကစားခဲ့ဖူးပြီး အောင်မြင်မှုများစွာရယူနိုင်ခဲ့သည့် ဒီယေဂိုကော်စတာသည် လက်ရှိတွင် ဥရောပဘောလုံးလောကသို့ ပြန်လည်ခြေချရန် ဆန္ဒရှိနေပြီး ယခုဇန်နဝါရီအပြောင်းအရွှေ့တွင် မည်သည့်အသင်းသို့ ပြောင်းရွှေ့ရမည်ကို ဆုံးဖြတ်သွားမည်ဖြစ်သည်။

ဒီယေဂိုကော်စတာအားခေါ်ယူရန် နယူးကာဆယ်၊ အာဆင်နယ်စသည့် ပရီးမီးယားလိဂ်အသင်းများကလည်း ခေါ်ယူရန် စိတ်ဝင်စားနေကြောင်းသိရသည်။ ဆလာနီတာနာအသင်းသည် ဒီယေဂိုကော်စတာအပြင် ဂျူဗင်တပ်စ်အသင်းမှ ဘရာဇီးလ်လူငယ်တိုက်စစ်မှူး ကိုင်အိုဂျော့ချ် (၂၀ နှစ်)ကိုလည်း အငှားခေါ်ယူရန် စောင့်ကြည့်လျက်ရှိနေသည်။

LEAVE A REPLY

Please enter your comment!
Please enter your name here