၂၀၁၃ ခုနှစ်တွင် ကမ္ဘာ့စံချိန်တင်ပြောင်းရွှေ့ကြေး ပေါင် ၈၆ သန်းဖြင့် ရီးယဲလ်အသင်းသို့ ပြောင်းရွှေ့ခဲ့သူ ဘေးလ် (၃၁ နှစ်) သည် ပြီးခဲ့သည့်စနေနေ့က တစ်ရာသီအငှားစာချုပ်ဖြင့် အသင်းဟောင်းသို့ တစ်ကျော့ပြန်ရောက် ရှိလာခြင်းဖြစ်ပြီး နံပါတ် ၉ ဝတ်ဆင်ကစား မည်ဖြစ်သည်။
စပါးအသင်းသို့ တစ်ကျော့ပြန်ရောက်ရှိလာသည့် ဂါရတ်ဘေးလ်သည် ဒဏ်ရာအခြေအနေကြောင့် တစ်လခန့် ကစားနိုင်ဦးမည်မဟုတ်သော်လည်း အသင်းအတွက် အနိုင်ရလိုစိတ်များ ယူဆောင်လာမည်ဖြစ်ကြောင်း ၎င်းက ပြောကြားခဲ့သည်။
၂၀၁၃ ခုနှစ်တွင် ကမ္ဘာ့စံချိန်တင်ပြောင်းရွှေ့ကြေး ပေါင် ၈၆ သန်းဖြင့် ရီးယဲလ်အသင်းသို့ ပြောင်းရွှေ့ခဲ့သူ ဘေးလ် (၃၁ နှစ်) သည် ပြီးခဲ့သည့်စနေနေ့က တစ်ရာသီအငှားစာချုပ်ဖြင့် အသင်းဟောင်းသို့ တစ်ကျော့ပြန်ရောက် ရှိလာခြင်းဖြစ်ပြီး နံပါတ် ၉ ဝတ်ဆင်ကစား မည်ဖြစ်သည်။
“ကျွန်တော်ထွက်သွားတဲ့ အချိန်ကစပြီး တစ်နေ့ကျရင် ပြန်လာဖို့ အမြဲတမ်းစဉ်းစားခဲ့တာပါ။ အခုတော့ အခွင့်အရေး ရလာပါပြီ။ ဒါက ကျွန်တော့်အတွက် အချိန်အခါကောင်းဖြစ်ပြီး အံဝင်ခွင်ကျဖြစ်မယ်လို့ ခံစားရပါတယ်။ ကျွန်တော့်စိတ်တွေက ဆာလောင်နေပြီး တက်ကြွမှုတွေလည်းဖြစ်နေတယ်။ ကောင်းကောင်းလုပ်ပြချင်နေပြီး စတင်ဖို့တောင် မစောင့်နိုင်တော့ပါဘူး။ မက်ဒရစ်ကိုသွားခဲ့တာက ဆုဖလားတွေရယူနိုင်ဖို့နဲ့ လက်ရွေးစင်အသင်းအတွက်ကြောင့်လို့ ကျွန်တော်ထင်တယ်။ ကျွန်တော့်ဆီမှာ နိုင်ပွဲရလို စိတ်တွေ၊ ဆုဖလားကို ဘယ်လိုယူရမလဲဆိုတာတွေရှိနေပြီလို့ ခံစားရပါတယ်။ ဒါတွေကို အဝတ်လဲခန်းဆီ ယူဆောင်ပေးလာနိုင်ဖို့ မျှော်လင့်ပါတယ်။ ယုံကြည်မှုတွေရလာရင် ကျွန်တော်တို့လည်း ဆုဖလားတစ်လုံးတော့ ရယူနိုင်မှာပါ။ ဒီတစ်ရာသီတည်းမဟုတ်ဘဲ ဖြစ်နိုင်ခြေရှိသမျှအားလုံးကို ရင်ဆိုင်တိုက်ခိုက်နေရမှာပါ။ အဲဒီစိတ်ဓာတ်ကို တော့တင်ဟမ်ဆီ ကျွန်တော်ယူလာပေးချင်ပါတယ်” ဟု ၎င်းက ပြောကြားခဲ့သည်။
ဘေးလ်သည် ယခုလဆန်းတွင် ဝေးလ်စ်အသင်းအတွက် ပါဝင်ကစားစဉ် ဒူးဒဏ်ရာရရှိခဲ့သောကြောင့် အစောဆုံး အောက်တိုဘာလလယ်မှသာ ပြန်လည်ကစားနိုင်ဖွယ်ရှိသည်။
