တန်ဟက်ဂ် ခေါ်ယူခဲ့သည့် ကစားသမားများမှာ အမှန်တကယ်ကောင်းမွန်သည့် ကစားသမားများဖြစ်သည်ဟု ဗန်ဒယ်ဘိခ် ပြောကြား

မန်ယူအသင်း၏ ကွင်းလယ်ကစားသမား ဗန်ဒယ်ဘိခ်က ယခုနွေရာသီတွင် နည်းပြတန်ဟက်ဂ် ခေါ်ယူခဲ့သည့် ကစားသမားများမှာ အမှန်တကယ်ကောင်းမွန်သည့် ကစားသမားများဖြစ်သည်ဟု ပြောကြားခဲ့သည်။

ဗန်ဒယ်ဘိခ်သည် အေဂျက်စ်အသင်းတွင် တန်ဟက်ဂ်နှင့် ဆုံတွေ့ခဲ့ဖူးသူဖြစ်ပြီး ပြီးခဲ့သည့်ရာသီက အဲဗာတန်အသင်းထံ အငှားချခံခဲ့ရသော်လည်း ယခုရာသီတွင် မန်ယူအသင်း၌ ပြန်ကစားနေရသည်။

ဗန်ဒယ်ဘိခ်က “နည်းပြတန်ဟက်ဂ် ခေါ်ယူခဲ့တဲ့ ကစားသမားသစ်တွေထဲက တချို့ကို ပြိုင်ဘက်အဖြစ် ရင်ဆိုင်ခဲ့ဖူးပြီး လီဆန်ဒရိုကတော့ အတူကစားခဲ့ဖူးသူပါ။ တကယ်ကောင်းတဲ့ ကစားသမားတွေဆိုတာ သိထားပါတယ်။ ဒါကြောင့် အသင်းကို သူတို့ကူညီနိုုင်ပါလိမ့်မယ်”ဟု ဆိုခဲ့သည်။