၂၀၂၀-၂၀၂၁ ရာသီ စီးရီးအေပြိုင်ပွဲ၏ လစာအများဆုံးနည်းပြအဖြစ် အင်တာမီလန်အသင်းနည်းပြ အန်တိုနီယိုကွန်တီက ရပ်တည်နေပြီး ၎င်းနှင့် ဒုတိယအများဆုံးရရှိသူ၏လစာမှာ ငါးဆနီးပါးကွာဟကြောင်း သိရသည်။
ဂျူဗင်တပ်စ်၊ အီတလီနှင့် ချယ်လ်ဆီးအသင်းနည်းပြဟောင်း ကွန်တီသည် အင်တာမီလန်အသင်း၌ တစ်နှစ်လစာ ယူရို ၁၂ သန်း ရရှိနေပြီး ယခုရာသီ စီးရီးအေပြိုင်ပွဲ၏ လစာအများဆုံးအဖြစ် ရပ်တည်လျက်ရှိကြောင်း La Gazzetta dello Sport သတင်းစာက ဖော်ပြသည်။
![](https://sportsmyan.com/wp-content/uploads/2020/10/chris-smalling-2-1024x536.jpg)
ရိုးမားအသင်းနည်းပြ ပေါ်လိုဖွန်ဆီကာက တစ်နှစ်လစာ ယူရို ၂ ဒသမ ၅ သန်းဖြင့် ဒုတိယနေရာရပ်တည်နေရာ ၎င်းနှင့် ကွန်တီတို့အကြား လစာကွာခြားမှုမှာ ၄ ဒသမ ၈ ဆအထိရှိနေခြင်းဖြစ်သည်။
အတ္တလန္တာအသင်းနည်းပြ ဂက်စ်ပါရီနီက ၂ ဒသမ ၂ သန်းဖြင့် တတိယအများဆုံးရရှိနေပြီး ဂျူဗင်တပ်စ်အသင်းနည်းပြသစ် ပီယာလိုကလည်း ၁ ဒသမ ၈ သန်းဖြင့် အဆင့် ၇ နေရာ ရပ်တည်နိုင်ခဲ့သည်။
![](https://sportsmyan.com/wp-content/uploads/2020/10/atalanta-coach-1024x536.jpg)
လစာအနည်းဆုံးအဖြစ် တန်းတက်စပီဇီယာအသင်းနည်းပြ အီတာလီယာနိုနှင့် ပါးမားအသင်းနည်းပြ လစ်ဗာရာနီတို့က ယူရိုငါးသိန်းစီသာ ရရှိနေသည်။
စီးရီးအေ လစာအများဆုံး နည်းပြစာရင်း
- အမည် ကလပ် တစ်နှစ်လစာ
- ကွန်တီ အင်တာမီလန် ၁၂ သန်း
- ဖွန်ဆီကာ ရိုးမား ၂.၅ သန်
- ဂက်စ်ပါရီနီ အတ္တလန္တာ ၂.၂ သန်း
- ဆီမြွန်နီအင်ဇာဂီ လာဇီယို ၂ သန်း
- ပီအိုလီ အေစီမီလန် ၂ သန်း
- မီဟိုင်းလိုဗစ် ဘိုလော့ဂ်နာ ၂ သန်း