စိန်ခေါ်မှုများကို နှစ်သက်သည့်အတွက် ကျောနံပါတ် (၇)ကိုဝတ်ဆင်ရန် ရွေးချယ်ခဲ့ခြင်းဖြစ်သည်ဟု ကာဗာနီ ဆို

မန်ယူတိုက်စစ်မှူးသစ် ကာဗာနီက မိမိအနေဖြင့် စိန်ခေါ်မှုများကို နှစ်သက်သည့်အတွက် ကျောနံပါတ်(၇)ကို ဝတ်ဆင်ရန် ရွေးချယ်ခဲ့ခြင်းဖြစ်ကြောင်း ပြောကြားခဲ့သည်။

နွေရာသီအပြောင်းအရွှေ့နောက်ဆုံးနေ့တွင် မန်ယူအသင်းသို့ ပြောင်းရွှေ့ကြေးအလွတ်ဖြင့် ရောက်ရှိလာသည့် ဥရုဂွေးဝါရင့်တိုက်စစ်မှူး ကာဗာနီသည် မန်ယူအသင်းတွင် လစ်လပ်နေသည့် ကျောနံပါတ် (၇)ကို ဝတ်ဆင်ကစားရန် ဆုံးဖြတ်ခဲ့ခြင်းလည်း ဖြစ်သည်။

myan789

မန်ယူအသင်းတွင် ကျောနံပါတ် (၇) မှာ နာမည်ကျော် နံပါတ်တစ်ခုဖြစ်ပြီး အသင်းဂန္ထဝင်ကစားသမားများဖြစ်သည့် ဘရိုင်ယန်ရော့ဘ်ဆင်၊ ကန်တိုနာ၊ ဒေးဗစ်ဘက်ခမ်နှင့် စီရော်နယ်လ်ဒိုတို့ ဝတ်ဆင်ကစားခဲ့ကြသည်။

စီရော်နယ်လ်ဒို ထွက်ခွာသွားပြီးနောက် မန်ယူအသင်းတွင် ကျောနံပါတ် (၇) ဝတ်ဆင်ကစားခဲ့သူများ ရှိခဲ့သော်လည်း ခြေစွမ်းပြနိုင်ခဲ့ခြင်း မရှိဘဲ ဝေဖန်မှုများနှင့် ရင်ဆိုင်ခဲ့ရသည်။

ကာဗာနီက “နံပါတ် (၇)က မန်ယူအသင်းမှာ အရမ်းကြီးကျယ်ခမ်းနားပါတယ်။ နိုင်ငံအသင်းမှာလည်း ဒီနံပါတ်ကို ကျွန်တော် ဝတ်ပါတယ်။ မန်ယူအသင်းမှာ ကျောနံပါတ်(၇)ကို ဂန္ထဝင်ကစားသမားတွေ ဝတ်ဆင်ခဲ့ကြတယ်။ ဒါကြောင့် တာဝန်ကြီးပါတယ်။ ကျွန်တော်က စိန်ခေါ်မှုတွေကို နှစ်သက်သူပါ။ အရင်တုန်းက မန်ယူအသင်းမှာ ကျောနံပါတ် (၇) ဝတ်ဆင်သူတွေလိုမျိုး စွမ်းဆောင်ပေးနိုင်ဖို့ ကျွန်တော် မျှော်လင့်ပါတယ်”ဟု ပြောကြားခဲ့သည်။

ကာဗာနီသည် လက်ရှိတွင် Quarantine ဝင်နေရသဖြင့် မန်ယူအသင်းအတွက် ပါဝင်ကစားနိုင်ဦးမည်မဟုတ်ဘဲ အောက်တိုဘာ (၁၇)ရက်တွင် ကစားမည့် နယူးကာဆယ်နှင့် ပွဲအပြီးမှသာ အသင်းအတွက် ကစားပေးနိုင်မည်ဖြစ်ကြောင်း သိရသည်။

Similar Articles

Comments

LEAVE A REPLY

Please enter your comment!
Please enter your name here

Covid-19 Statistic

Myanmar
641,614
Total confirmed cases
Updated on January 24, 2024 6:01 pm
Advertismentspot_img

Instagram

Most Popular